Топ Новости

Дострелот на малата Екатерина

Четврток, 17 Декември 2020

Колумна на проф. д-р Темелко Ристески од ФОН во која се осврнува на неодамнешната изјава на бугарската шефица на дипломатијата со која ги изедначи Тито и Хитлер.

На дождливиот осми мај 1980 година кога небото плачеше, а човештвото се опростуваше од Маршалот на Југославија, великанот Јосип Броз Тито, Екатерина Захариева имала само пет години. Како и секое петгодишно девојче, си играла со куклички. Повремено мама и тато ја воделе за рака на прошетки и излети. Тогаш често барала да и купат чоколадо. Ако не и ја исполнеле желбата гласно плачела. Светската политика и случувањата во неа не ја интересирале. Не можела да дознае дека на погребот на Тито дојдоа да му оддадат последна почит преку 160 шефови на држави: претседатели и монарси – кралеви, цареви, шеици шахови и др. Оние кои што од лични причини не можеа да дојдат, ги испратија своите најблиски.

Денес, четириесет години потоа, некогашното петгодишно девојче Екатерина Захариева е министер за надворешни работи на нашиот источен сосед. Од таа позиција таа го изедначи Тито со Адолф Хитлер тврдејќи дека тој – Тито бил диктатор кој (според неа) убил еден милион и седумстотини илјади луѓе и дека денес славењето на неговото име и дело во нашето Скопје е исто што и славењето на Хитлер во Берлин.
Ако човек и поверува на Екатерина и ако заклучува според латинската поговорка Similes simili gaudet- Сличните сличниот го слават (почитуваат), ќе испадне дека сите 160 и кусур шефови на држави кои дојдоа да му оддадат последна почит на Великанот, биле диктатори и убијци или, во „најмала рака,“ негови обожаватели.

Министерската позиција е многу висок дострел и блиску до врвот на кариерата на политичарот. Врвот е шеф на државата. Во нашиов случај тоа е претседателот на Република Бугарија. За да дојде до врвот на политичката кариера министерот треба да помине само едно скалило – премиер. Во сите области на општествениот живот висок и највисок дострел во кариерата се постигнува со многу учење, многу знаење и, пред се и над се, многу работа.

Како и сите други успешни луѓе, така и Екатерина учела и, без сомнение , многу работела. Но, учејќи не научила дека Јосип Броз Тито, за време на Втората светска војна беше водач на најголемото движење на отпорот против фашизмот во Светот – Народно ослободителната војна на Југославија; дека неполна деценија потоа, заедно со претседателот на Индија Џавахарлал Пандит Нехру и претседателот на Египет Гамал Абдел Насер ги удрија темелите на движењето на неврзаните (вонблоковските) земји во кои живееше повеќе од половината од светската популација; дека за време на „ладната војна“ која неколку пати се закануваше да прерасне во „жешка,“ неврзаните земји беа ефикасен баланс меѓу двата високо антагонизирани воено-политички блока – западниот НАТО и источниот Варшавски пакт; дека до својата смрт Тито беше најпочитуваниот лидер на неврзаните земји чиј збор ,без поговор, се почитуваше; дека беше радо приман и почитуван гостин во сите држави во светот, мали и големи, на исток и на запад, на север и на југ на Планетава Земја; дека не беше диктатор и убиец на југословенските народи, туку, поради неговите заслуги за ослободувањето на Југославија (а во рамките на неа и на Македонија), за нејзината повоена изградба и за нејзиниот огромен углед во светот беше избран за доживотен претседател на Републиката (Социјалистичка Федеративна Република Југославија); дека беше рамо за плачење на сите југословенски граѓани кои за секој спор што не можеа да го решат со локалните бирократи испраќаа поплаки и претставки до него на кои добиваа брзи одговори, со негов личен потпис, по што следеше брзо решавање на проблемите со бирократите. Таков човек не може да се нарече диктатор.

Ова се уште не го научила Екатерина. Да го беше научила немаше Тито да го нарече диктатор и убиец и да го изедначи со Хитлер, а оние 160 и кусур шефови на држави кои дојдоа да му ја одадат последната почит, да ги сведе на обожаватели на диктатор и убиец.

Таа тоа не го научила. Но, има време да го научи. Тогаш кога ќе го научи ќе постане почитувана министерка за надворешни работи Екатерина Захариева, а во иднина, можеби, и почитувана прва жена - претседател на Република Бугарија како членка на Европската Унија, со отворени граници и развиена интензивна соработка со Република Македонија во сите области на општествениот живот која тогаш – во иднината, исто така ќе биде членка на Европската Унија.


Автор: Темелко Ристески - професор по правни науки на ФОН



Last modified on Четврток, 17 Декември 2020 - 17:02

.

.


ПОСЛЕДНИ ВЕСТИ:

Саше од Богданци е носител на Светиот крст од водите на Паљурци

Церемонијата на осветување на водите по повод христијанскиот празник Водици

Повеќе

Саше од Богданци, Даниел од Стојаково се носители на Светиот крст

Церемонијата на осветување на водите по повод христијанскиот празник Водици

Повеќе

Иле Илевски го извади Светиот крст од водите на Вардар кај Гевгелија

Трикратниот фрлач по крстот Иле Илевски (31 годишен) од село Давидово, но веќќе

Повеќе

Дејан од Куманово го фати светиот крст во Дојран

Денешниот чин на осветувањето на водите Водици и фрлањето на светиот крст во

Повеќе

Црвениот крст Гевгелија ја започнува сезоната на крводарителски акции за 2022

Највисокиот чин на хуманост на граѓаните- крводарувањето ќе биде цел на првата

Повеќе

Собранието ја избра новата Влада, Ковачевски е премиер

Со 62 гласа „за“, 46 „против“ и без воздржани пратениците во Собранието вечерва

Повеќе

Вори Гевгелија меѓу 100-те најголеми извозници во државата

Компанијата “Вори” од Гевгелија е една од водечките компании во македонската

Повеќе

Донација од Германска Амбасада за ДППД Дојран

Доброволното против пожарно друштво од Дојран доби донација во вид на

Повеќе

Намалeно осветлување на државните патишта поради енергетската криза

Минимален сигурносен обем на осветлување на јавните патишта е дел од одлуката

Повеќе

Василица во гевгелиско - традиција за празникот среде некрстените денови

Денес е Василица, празник среде некрстените денови.
На први јануари по стариот

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.