Топ Новости

Виолета со исповед за својата средба со короната

Понеделник, 21 Декември 2020

Ова писание е за нашите херои, медицинските работници од Општа Болница Гевгелија и матичните лекари од Гевгелија во несебичната битка со короната, а го напиша и ни' го испрати Виолета Праматарова Христова, психолог вработена во Центарот за социјални работи Гевгелија.

„Пред еден месец се заразив со корона вирусот. Незнам како и од кој, а сега и не е воопшто важно. Неколку дена дома со лесни симптоми, па потоа тестирање, нормално позитивна на КОВИД 19, два дена во дневна болница на терапија и поради лошата состојба и клиничка слика, завршив на интерно одделение 10 дена. Се опоравив, ме пуштија дома во добра сосотојба но, после три дена со температура и воспаление на плуќа се вратив повторно на инфузиите два пати дневно, кои сеуште ги примам во Дневна болница. Се надевам дека оваа голгота која ја поминувам наскоро ќе заврши, ќе ја надминам оваа тешка болест и животот ќе се врати во една нормална состојба како и пред короната“, ни' пишува Виолета Праматарова Христова за својата средба со короната.

Сепак, ова мое писание не е за мене туку за нашите херои, борци и јунаци во првите редови со овој вирус-монструм, а тоа се нашите здравствени работници во Општа Болница Гевгелија. Најпрво голем респект и почит за директорот на нашата болница кој успеал добро и функционално да ја организира работата со болните од КОВИД 19 во трите дела (риемното, дневната болница и одделението каде лежат болните). Покрај оваа добра организација, многу добро избран тим и менаџирање со здравствените работници кои работат со болните од Ковид 19.

Сите млади, културни, професионалци, сигурни во себе, љубезни, хумани и трпеливи. Бев пријатно изненадена уште во првите моменти кога почнав да ги посетувам од тоа колку тие луѓе оптеретени со задолжителните скафандери, визири, маски и слично, никогаш не губеа трпение, се препотуваа, уморот им се гледаше по нивното одење но тие секогаш љубезни, тивки, те сослушуваат, веднаш реагираат и ти влеваат чувство на сигурност и заштита. Бидејќи се работи за тешка болест, верувајте, нема некој да не е исплашен од непредвидливоста на вирусот, стравот е постојано присутен кај болните како и изразеното чувство на немоќ и слабост. Но, нашите борци тоа многу добро го знаат и добро си ја работат работата. И лекарите, и медицинските сестри се прекрасни луѓе кои знаат како да се постават во секоја ситуација и со секој предизвик. Те тешат, те советуваат, те сослушуваат, наоѓаат разбирање за стравовите и дилемите, сочувствуваат со болните.

Нашите јунаци се лекарите : Саше, Македонка, Александра, Павлинка, Анета, Александар, Блаже … сестрите Лидија, Жане, Марина, Данче, Кате, Даниела, Лепа, Наташа, Габи, Александра … и сите други кои не се спомнати.
Од контактите кои ги имам во врска со овој вирус, на мислење сум дека Гевгелија многу добро се справува со оваа болест, добро се организирани и со многу добар, стручен и компетентен тим на здравствени работници. Среќни сме што ги имаме, што се наши и што баш тие се грижат за нас во овие тешки времиња за кои се надевам дека за неколку месеци ќе станат минато.
Сепак, мислам дека и матичните лекари се исто така многу заслужни во оваа борба со вирусот. Тие најпрво доаѓаат во контакт со болните, ги советуваат, прегледуваат, упатуваат. Мојата матична докторка Ивана Панајоту е надобрата докторка за мене. Од самиот почеток на болеста е со мене, секој ден ми се јавува за да праша како сум, ме теши кога сум во криза, ме советува и се соживува со мене и мојата болест.

Оваа награда која се најавува за здравствените работници од 30.000 ден. е многу смешна да не речам минорна во споредба со работата која ја работат овие луѓе секој ден и изложеноста на реалниот ризик да се заразат од вирусот. Да не должам, од досегашното следење на состојбата во државата, сметам дека Гевгелија е еден од градовите кои најдобро се справуваат со овој вирус-монструм, а сето тоа заради пожртвуваноста на нашите лекари и сестри кои несебично се борат со вирусот, помагаат и се грижат за болните во вистинска смисла на зборот како и добрата организација на целокупната работа.

Мој Апел: Вирусот е тука, насекаде го има, не е страшен за тие што не го добиле или пак го поминале со лесни симптоми. Но, тие што имале компликации и престој во болница или пак да не зборувам за тие кои изгубиле некој близок…. За нив е страшен. Видовме дека и млади и возрасни заболуваат и затоа верувајте дека нема правила и навистина е непредвидлив и не знаете што се може да Ви се случи. Затоа, почитувајте ги во целост пропишаните мерки, редовно маска носете по можност КН 95, држете дистанца и избегнувајте зтворен простор со повеќе луѓе. И доколку осетите некаков симптом кој Ви е сомнителен, веднаш кај матичниот лекар и на тестирње. Без стрес и страв бидејќи уште повеќе ќе си ја влошите состојбата. Имајте верба во нашите борци и јунаци, не губете драгоцено време дома, одете во болница каде ќе добиете добра, професионална, стручна, хумана и морална помош, а која Ви е многу потребна во овие тешки моменти.
Останете сите во добро здрваје!!!!!

Автор: Виолета Праматарова Христова - психолор во ЈУ Мегуопштински центар за социјални работи - Гевгелија



Last modified on Понеделник, 21 Декември 2020 - 14:40

.

.


ПОСЛЕДНИ ВЕСТИ:

Страотен пожар во Кочани и кочанско

Порталот Кочанска Котлина јави дека пожарот пред два часа е забележан во

Повеќе

Тешко повредени двајца малолетници на Динќот

Празничната раздвиженост предизвика посета на релации и користење на возила со

Повеќе

Пуштен во употреба „Јужен Вардар“ систем за наводнување

Новиот систем за наводнување „Јужна Вардарска долина“ - Втора Фаза, вреден 24

Повеќе

По три дена недостаток, вечерва Моин ќе добие вода

Поради дефект на водна пумпа на бунарите кај Моин жителите од ова населено

Повеќе

Подгответе се за 10 дневна температурна 40-ка до 44℃, со УВ=9

Актуелно предупредување од УХМР - доаѓа портокалова (алертна) фаза која ќе трае

Повеќе

Пресудени 25 години затвор за организаторите на нападот од 27 април

Поранешниот претседател на Собранието Трајко Вељаноски денеска во Основниот

Повеќе

Градоначалник спасил давеничка на плажа

Штипјани со гордост денеска објавуваат на социјалните мрежи дека нa јавна плажа

Повеќе

Повторно поплави во Белгија - водата носи се' пред себе

Дождовната сезона и поплавите во централна Европа како уште да не ја завршиле

Повеќе

Македонскиот гениј Давков освои сребро на Светската математичка олимпијада

Осмоодделенецот Дамјан Давков од Штип на Светската математичка олимпијада ИМО

Повеќе

Пресечен меѓународен канал за дрога, приведени гевгеличани

Во  вчерашната акција на  МВР запленета е дрога во вредност од 150.000 евра,

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.