Топ Новости

Огнената драма кај Калдрмата, Нов Дојран успешно ликвидирана

Четврток, 17 Јуни 2021

Со три возила, девет пожарникари од ТППЕ Гевгелија, Валандово и ДППД од Дојран по 3 часовна интервенција угаснат и ликвидиран пожарот кој вчера избувна кај Калдрмата и ги загрози околните сманбени и викенд објекти. Граѓаните благодарни на брзата и професионална интервенција и спасените имоти. По изминати 24 часа еве ја сумарната слика од драмата на терен:

Вчера попладне нешто пред 16 часот, избувна пожар во местото Калдрма во непосредна близина на станбените објекти и викенд куќите во оваа населба во Нов Дојран.

Сувата вегетација и ветерот кој беше присутен во текот на целиот ден ја отежнаа работата на Доброволното противпожарно друштво од Дојран кој излезе на терен, па после кратко време беше побарана помош од околните Општини.

На терен се јавија од ТППЕ Гевгелија со едно возило и тројца пожарникари, како и едно возило и двајца пожарникари од Валандовската територијална противпожарна единица. Заедно со четворица пожарникари од Дојран пожарот е ликвидиран во 18:15 часот.

За драматичноста на вчерашниот пожар зборуваат и сликите и снимките од терен и повиците на луѓето да се спасат куќите до кои непосредно дивееше огнот. Пожарот беше заканувачки за објектите во населбата Калдрма бидејќи веднаш до нив е присутна вегетација од ниско стеблеста шума која лесно гореше и го потхрануваше пожарот.

За несебичната, брза и ефикасна интервенција на професионалните пожарникари од Гевгелија и Валандово и доброволците од Дојран граѓаните искажаа благодарност.

- „Нашата единица интервенираше на барање на доброволното ППД од Дојран и наша екипа стигна на терен во 16:07 часот. За причините за пожарот и големината на опожарениот терен се уште немаме податоци. Очекуваме тоа да го имаме како податок со извештајот кој е во подготовка“ изјави за GevgelijaNet командирот на ТППЕ Гевгелија Игор Ризов.

Свесноста на граѓаните на Нов Дојран за реалноста на заканата од пожар ја изјавија со зборови на благодарност.

- „Сакам да им се заблагодарам на противпожарните екипи и сите кои учествуваа во гасненје на пожарот Ivan Ajcev Ango Angov Блаже Кортов. Нашата кукја е спасена блаходарение на вас! Вечно ваш должник! Голема благодарност од мене и мојата фамилија! - напиша Филип Иванов на социјалните мрежи.

- „Ви благодариме бескрајно на сите за Вашата помош“ - напиша Дејан Иванов.

Изрази на благодарнст упати и фамилија Каракашеви:

- „Голема благодарност до сите наши блиски роднини и пријатели како и градоначалникот на Дојран Анго Ангов, кои веднаш дојдоа и помогнаа да се сопре огнената стихија како и професионалноста на нашите пожарникари кои не дозволија ниеден објект да биде загрозен. Момци браво!!!“

Видео од пожарот од локален жител испратен до Канал „Вис“

Last modified on Четврток, 17 Јуни 2021 - 14:51

.

.


ПОСЛЕДНИ ВЕСТИ:

Страотен пожар во Кочани и кочанско

Порталот Кочанска Котлина јави дека пожарот пред два часа е забележан во

Повеќе

Тешко повредени двајца малолетници на Динќот

Празничната раздвиженост предизвика посета на релации и користење на возила со

Повеќе

Пуштен во употреба „Јужен Вардар“ систем за наводнување

Новиот систем за наводнување „Јужна Вардарска долина“ - Втора Фаза, вреден 24

Повеќе

По три дена недостаток, вечерва Моин ќе добие вода

Поради дефект на водна пумпа на бунарите кај Моин жителите од ова населено

Повеќе

Подгответе се за 10 дневна температурна 40-ка до 44℃, со УВ=9

Актуелно предупредување од УХМР - доаѓа портокалова (алертна) фаза која ќе трае

Повеќе

Пресудени 25 години затвор за организаторите на нападот од 27 април

Поранешниот претседател на Собранието Трајко Вељаноски денеска во Основниот

Повеќе

Градоначалник спасил давеничка на плажа

Штипјани со гордост денеска објавуваат на социјалните мрежи дека нa јавна плажа

Повеќе

Повторно поплави во Белгија - водата носи се' пред себе

Дождовната сезона и поплавите во централна Европа како уште да не ја завршиле

Повеќе

Македонскиот гениј Давков освои сребро на Светската математичка олимпијада

Осмоодделенецот Дамјан Давков од Штип на Светската математичка олимпијада ИМО

Повеќе

Пресечен меѓународен канал за дрога, приведени гевгеличани

Во  вчерашната акција на  МВР запленета е дрога во вредност од 150.000 евра,

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.