Топ Новости

Италија е шампионот од EURO 2020 и по вторпат е на европскиот трон!

Понеделник, 12 Јули 2021

Репрезентацијата на Италија се искачи на континенталниот трон, откако во финалето на Европското првенство ја победи Англија по пенали со 3-2 (1-1).
Италија е новиот европски шампион откако „аѕурите“ во супердраматично финале го совлада домаќинот Англија на „Вембли“, по подобро изведување на пенали. Херој на финалето беше Донарума, кој ги одбрани последните два пенали на Санчо и на Сака, за огромна италијанска радост откако по 120 минути игра резултатот гласеше 1-1.

Англичаните имаа почеток од соништата, откако веќе во втората минута стигнаа до водство. Трипие нафрли од десната страна кон вториот дирек, каде Шо одлично се снајде и со прецизен волеј-удар го матираше Донарума, за најбрз гол на финалните натпревари на европските шампионати. Раното водство им овозможи на Англичаните да го контролираат темпото на натпреварот, умешно затворајќи ги приодите кон сопствениот гол.

Пресметката на „Вембли“ имаше различни периоди, домаќинот рано поведе, а Бонучи ги врати „Аѕурите“ во игра. Иако дуелот можеше да биде решен порано, не беа искористени шансите па по подобро изведување казнени удари Италија втор пат стана европски првак.

Белоти е првиот што потклекна под притисокот, откако Пикфорд го запре неговиот удар во втората серија. Рашфорд, кој влезе во игра во 119. минута токму за овој пенал-рулет потфрли шутирајќи во дирекот во третата серија, која заврши со израмнети 2-2. Четвртата серија донесе реализација на Бернардески, па промашување на Санчо, но кога се очекуваше печат на титулата од Жоргињо, Пикфорд го одбрани неговиот удар во петтата серија. „Вембли“ замолкна во петтата серија, Сака беше третиот Англичанец во низа што не успеа да го совлада Донарума, за шампионски трофеј за Италија.

Англија првпат игра финале на Европско првенство, а веќе 55 години чека на голем трофеј, уште од мундијалската круна на СП 1966, кој е единствен трофеј во витрините на „трите лава“. Од друга страна, Италија игра ново финале по 2012 година, но иако е четирикратен светски првак, прв и последен пат освоила европска круна пред 53 години, во далечната 1968 година.

Last modified on Понеделник, 12 Јули 2021 - 00:34

.

.


ПОСЛЕДНИ ВЕСТИ:

Саше од Богданци е носител на Светиот крст од водите на Паљурци

Церемонијата на осветување на водите по повод христијанскиот празник Водици

Повеќе

Саше од Богданци, Даниел од Стојаково се носители на Светиот крст

Церемонијата на осветување на водите по повод христијанскиот празник Водици

Повеќе

Иле Илевски го извади Светиот крст од водите на Вардар кај Гевгелија

Трикратниот фрлач по крстот Иле Илевски (31 годишен) од село Давидово, но веќќе

Повеќе

Дејан од Куманово го фати светиот крст во Дојран

Денешниот чин на осветувањето на водите Водици и фрлањето на светиот крст во

Повеќе

Црвениот крст Гевгелија ја започнува сезоната на крводарителски акции за 2022

Највисокиот чин на хуманост на граѓаните- крводарувањето ќе биде цел на првата

Повеќе

Собранието ја избра новата Влада, Ковачевски е премиер

Со 62 гласа „за“, 46 „против“ и без воздржани пратениците во Собранието вечерва

Повеќе

Вори Гевгелија меѓу 100-те најголеми извозници во државата

Компанијата “Вори” од Гевгелија е една од водечките компании во македонската

Повеќе

Донација од Германска Амбасада за ДППД Дојран

Доброволното против пожарно друштво од Дојран доби донација во вид на

Повеќе

Намалeно осветлување на државните патишта поради енергетската криза

Минимален сигурносен обем на осветлување на јавните патишта е дел од одлуката

Повеќе

Василица во гевгелиско - традиција за празникот среде некрстените денови

Денес е Василица, празник среде некрстените денови.
На први јануари по стариот

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.