Книгата и шницлата

Понеделник, 19 Јули 2021

Отвораш фејсбук, а тоа ти е исто како да си седнал крај шведска маса. Галерија од фотоси од славја. Те зашеметува мирисот на разноразни месни специјалитети - кој од кој пораскошен, поопоен. Мазници, пити, сарми, кременадли, бифтеци, бечки шницли, какви што австријците одамна не виделе. Не мора да ги вкусиш, а веќе триглицеридите скокаат во височина како споулавени. И се прашуваш, да не случајно си заталкал во некоја друга точка на оваа планета. Да речеме како во Аргентина, каде шницлата од прериско теле е со големина на дланката на Марко Крале, тежи најмалку една ока, а може да се користи и како убојно средство доколку го погледаш накриво гаучо - келнерот.

И сама се наметнува дилемата - зарем со вакви трпези, пораскошни дури и од онаа на „тајната вечера“ може да сме најсиромашната земја на Стариот континент. А секој напишан ред ни' е плачење, лелекање. Се изнавикавме „долу влада“. Министрите ги исподавивме во плукање. Пратениците ни' се на интензивна со неизлечиви душевни болки од нашите пцости. Пендаровски и Заев се приклучени на апарати за кислородна поддршка. Секако, кога ние, непризнателни типови, нашата поддршка безрезервно не им ја даваме.

Во некои други светови, жителите немаат изгледа што да јадат, па се фатиле за книги. Се замајуваат и залажуваат со читање дури и на петпарачките дела на нобеловци, на разноразни филозофи од Антиката до денес. Неинвентивни суштества. Кога нема што да јадат, нека читаат. Нека го отворат нашиот фејсбук, нека ѕирнат на славеничките трпези па да се осведочат што е сиромаштија по балкански. Поточно, по македонски. За секој личен или семеен јубилеј - најмалку за една глава ни' се намалува сточниот фонд. Не дај Боже, ама, како сме тргнале, наскоро ќе остане по ливадите ние да пасеме.

Автор: Бошко Нацевски- новинар (фејсбук статус)



.

.


ПОСЛЕДНИ ВЕСТИ:

Нова инвестиција e.GO во Македонија,вредна 100 милиони евра

Најновата инвестиција во државата доаѓа од Германија и ќе ја претвори

Повеќе

Одземен пасошот на Жан Митрев како мерка за обезбедување

На барање на ЈО, судија на претходна постапка го прифати предлогот и на

Повеќе

Повредени 35 лица во сообраќајка кај Марвинци

Возач на камион кој вчера се преврте со својот нелегален товар - мигранти кај

Повеќе

Превртен камион кај Марвинци, повредени 29 лица

Во сообраќајка која се случила вечерва кај с.Марвинци, повредени се 29 лица.

Повеќе

РКЕ ги намали цените на горивата

Најновата одлука на Регулаторната комисија за енергетика носи надолна корекција

Повеќе

Пожарот кај Фурка и Паљурци локализиран

Тимот за брз одговор на ДЗС и силите на ТППЕ Гевгелија со неколку распоредени

Повеќе

Царина заплени 13,3 кг злато и 30.000 евра на ГП Табановце

Голем успех во откривање на нелегален транспорт кој има криминален карактер -

Повеќе

Пожарот кај Фурка стаса до Паљурци

Веќе 14 часа трае борбата за гаснење на пожарот кој утринава изби во атарот на

Повеќе

Активен пожар кај с.Фурка

Утрово во ТППЕ Гевгелија околу 9 часот пријавен е пожар на отворен простор во

Повеќе

Одбележан панаѓурот во с.Ума

Со бројни гости и служење курбан вечера во дворот на црквата „Свети

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.