Twitter

Делта сојот ја зголеми хоспиталната потреба на ковид-19 пациентите во Општа Болница Гевгелија. Денеска има девет лица на хоспитален третман во модуларната ковид болница во Гевгелија. Од нив сите 9-мина ковид-болни се на кислорона поддршка. Тоа значи дека сатурацијата е падната и активноста на белите дробови кај овие пациенти е намалена.

Ова е последниот болнички извештај за хоспитализирани пациенти со ковид дијагниза во Општа Болница Гевгелија што ни' ја даде директорот на оваа Јавна здравтсвена установа, д-р Митко Крџев.
Веќе една недела како е реактивирана дејноста на модуларната ковид болница изградена наменски за третман и болнички престој на ковид-пациенти од Гевгелија и регионот на надлежност на Општа Болница Гевгелија.

Инаку, во моментот во Гевгелија има регистрирано 82 пациенти со дојагноза ковид-19, Богданци 27 и Дојран 1 лице. Вкупно 110 ковид-19 лица се активни во трите општини кои се под здравствена надлежност на ОБ Гевгелија.

Денешниот извештај донесе 3 новозаразени во Гевгелија, но и 3-ца оздравени со што статусот на активни останува ист.
Богданци има 2-ца новозаразени кои се евидентирани во сумарниот извештај на активни случаи во оваа општина.
Во Дојран има еден оздравен и бројот на активни се намали само на 1 пациент од рамките на општината.

Двоцифрените бројки на новорегистрирани ковид позитивни лица на дневно ниво за Гевгелија денеска стагнираат. Загрижува само процентот на хоспитален опфат кој изнесува 8,2% од заразените и 100% на кислородна поддршка на лицата кои се на болнички третман во модуларната ковид болница.

Да се надеваме дека високиот вакцинален опфат на граѓаните и почитувањето на мерките за влез во кафиќи и организирани настани во затворени простории ќе се почитуваат доволно доследно од граѓаните со што бранот на новозаразени ќе се смалува како што е денешниот случај - „0“ пораст на позитивни во регионот.