Twitter

Четвртиот корона бран во кој доминира лесно преносливиот и побрзозаразниот делта сој денеска ја „одзеде“ 79-та корона жртва од Гевгелија. Станува збор за пациент на 64 години кој им подллегнал на компликациите на коронавирусот во неговиот организам. Пациентот починал во болнички услови.
Оваа загуба е седма по ред ковид жртва во Гевгелија во четвртиот корона бран кој започна годинава со првиот регистриран јулски случај на корона позитивен во Гевгелија, трае веќе трети месеци по ред и продолжува да биде зравствена закана и во октомври.
Заедно со загубата на нашиот сограѓанин во државата се регистрирани во изминатите 24 часа вкупно 15 ковид жртви.

Моменталната состојба во Гевгелија е 66 активни случаи на ковид-19, еден ново позитивен, и 2-ца оздравени.

Во соседните општини во надлежност на ЦЈЗ Гевгелија има уште 18 активни случаи на ковид-19 во општина Богданци и само еден случај на корона позитивен во општина Дојран.

Од регионот Гевгелија има највисока стапка на леталитет (смртност од корона) и изнесува 3,2%. Богданци со 14 ковид загуби има стапка на леталитет од 2,5%, а Дојран со 3 регистрирани смртни случаи од почеткот на корона па до сега, има најниска стапка во регионот, но и во цела држава со индекс од 2,1%.

Во државата највисока стапка на смртност има општина Струга, со 6,4%, следува Крушево со 6,2%, па Гостивар и Дебар со стапка од 5,0%.
Во моментот активни случаи на ковид-19 во државата остануваат 6.957 лица.