Гевгелија на 5 дена пред избори

Вторник, 12 Октомври 2021

Остануваат само уште пет денови до изборниот гласачки ден за Локалните избори 2021.

Додека СДСМ ги одбројува деновите до победа која ја најавува со своите многубројни митинзи, средби со граѓани, пропаганден материјал низ општината и на медиумите, остатокот од кандидатите во изборната трка во Гевгелија со мирни чекори ги ододуваат своите предизборни денови.

Изминативе две недели од кампањата сведоци сме на две дебати во кои се соочија по тројца кандидати за градоначалник од вкупно 5те кандидати за оваа функција во општина Гевгелија. На МТВ се појавија: Поцков, кандидат за градоначалник од СДСМ и коалицијата, Сарамандов - кандидатот на опозициониот ВМРО-ДПМНЕ и Петков - кандидатот на ЛДП и ДОМ. На регионалната телевизија Кобра од Радовиш се соочија: повторно Поцков (СДСМ и коалицијата) и Петков (ЛДП и ДОМ) и кандидатот на Интегра, Кадиев. После бледата слика која ја остави кандидатот на ВМРО-ДПМНЕ на дебатата во МРТВ и слабите познавања на локалниот-економски живот, истиот не се појави на дебатата на ТВ Кобра.  Поцков доминираше со одговорите, познавањето на локалните потреби и проблеми, буџетската кондиција.

Единствен кандидат кој не се појави на ТВ соочувањата е независниот кандидат Петков. Тој дури вчера се промовираше со видео јавување од Динќут и презентираше слаби познавања за локалните политики, потенцирајќи го бизнис секторот од кај доаѓа и потребата од помош за развој на локалниот бизнис и спа туризмот. Кандидатот читаше, очигледно локалните политики не му се, ниту му биле предмет на интерес до сега.

Независната граѓанска листа имаше свое претставување во салата на Театарот, но отсуствува видливост од публика, приврзаници, колку тоа следбеници ја прифаќаат граѓанската опција.

Интегра се појави со една изјава на својот лидер од Градскиот пазар во Гевгелија.

Организирани беа три митинга, а имаме шест кандидатури за членови на Совет и пет градоначалнички кандидати за ЛИ во Гевгелија. Значи, 50% од учесниците во изборната трка чекаат некој да ги турне за да тргнат. Дали ќе ги потурнат гласачите, или конкурентите!?

Плакати се излепија на определените места за огласување во градот и општината. Освен инцидентот со ишараните контејнери и јавни објекти во градот со партискиот број и името на кандидат на ВМРО-ДПМНЕ, настан за кој се огласија со осуда од СДСМ, од ЈПКД „Комуналец“ и Општина Гевгелија, како отстапувач на огласниот градски простор, нема други инциденти и непријатни предизборни случувања во Гевгелија.

Партиските штабови одбројуваат ситно до својот изборен дуел со конкурентите и со отсликаната доверба од граѓаните на гласачкото ливче. Недела 17 октомври Гевгелија избора свои претставници во локалната самоуправа за наредните 4 години.

 

Last modified on Вторник, 12 Октомври 2021 - 17:20

.

.


ПОСЛЕДНИ ВЕСТИ:

Кампања по повод Недела на борба против гладта

Од 16 – 22 октомври трае неделата на борбата против гладта која што ја

Повеќе

Гевгелија оди на втор изборен круг за градоначалник

Со немање мнозинство освоени гласови (50% + 1 глас) од ниту еден од 5-темина

Повеќе

Шапов во Богданци обезбеди победа во првиот изборен круг

Со освоени 2.128 гласови од вкупно 6.633 гласачи запишани во избирачкиот список

Повеќе

Ангов во Дојран, Костадинов во Валандово, прогласија победа

Првите победи на Локалните избори 2021 за градоначалник на два часа после

Повеќе

Во Гевгелија до 15 ч. гласале 40,11% од електортот

Гевгелија го надмина законскиот цензус од 1/3 излезност, според Изборната

Повеќе

Излезност на југот од РМ поголема од државнот просек

Изборниот гласачки ден за Локалните избори 2021 се одвива без проблеми на југот

Повеќе

Во Гевгелија денеска гласаа 195 лица со право на глас

Еден ден пред официјалниот старт на гласачкиот процес во Македонија, за

Повеќе

„Жито пром“ од Гевгелија на саем за храна во Германија

Производната компанија „Жито пром“ од Гевгелија учествуваше на најголемиот саем

Повеќе

Втор ден поплави во Грција, пронајдена и првата жртва

Невремето „Балос“, што веќе втор ден создава проблеми во повеќе делови во

Повеќе

Миравци ќе добие ветерен парк за производство на еколошка енергија

Турската компанија „Калтун енерџи“ ДОО Скопје која е инвеститор на ветерниот

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.