Топ Новости

Македонски дизајнер го креираше најновиот изглед на Мерцедес

Четврток, 30 Декември 2021

Најновиот модел на Мерцедес, „Mercedes CLA Shooting Brake“, по нацрт на Славче Таневски ги собра аплаузите на саемот за автомобили во Женева.

Привилегија, или умешност?

Познатиот бренд од светски ранг „Mercedes-Benz“ освен врвни механички прформански за своите возила одсекогаш бара и дизајнери кои со својата визија ќе го воодушеват светот. Многумина сонуваат да возат мерцедес, но малкумина можат да учествуваат во неговата креација. Тоа му појде од рака на младиот македонски дизајнер Славче Таневски чија креација ја испишува новата историја и новиот изглед на Мерцедес.

Неговиот дизајн е оценет како подвижно уметничко дело во стилот на дигиталната ера.

- „Мерцедес имаше голема премиера. Вниманието на светските медиуми е огромно. Посебен момент за мене беше тоа што лично го промовирав автомобилот. Лично возев до бината“, вели Таневски.

Вообичаена пракса е тоа да го прави некој од бордот на директори, а фактот дека Таневски ја имал таа чест се смета за исклучително признание.

Но, како Таневски станал еден од најпрестижните дизајнери на Mercedes-Benz?

Роден е во Свети Николе. Црта од дете, наследувајќи го талентот за цртање од неговата мајка, а интересот за машини од татко му. За Гласот на Америка на македонски Таневски скромно вели дека се нашол на вистинско место во вистинско време. Студирал во Германија, учел од германски врвни дизајнери. Победил на конкурс за дизајн по што следела поканата од Мерцедес.

- „Никогаш не сум имал план Б. Од секогаш знаев што сакам да бидам. Се ангажирав, се насочував кон тоа. Користам многу самоиницијатива. Константно учев правила на цртање, перспектива, софтвери, барав туторијали на интернет. Се информирав каде може да студирам и сето тоа ме донесе до Минхен на Факултетот за дизајн во 2007 година“, вели тој.

И самиот заминат од Македонија на 19 години, тој разбира зошто младите гледаат преку границите за поголеми можности.

- „Со голема ангажираност, љубов, труд и залагање може да се успее. Треба да се има пасија за тоа што се работи и што се учи. Да се има фокус. Да знаете што сакате. Која ви е целта. Во денешно време ја имате секоја информација на дланка и има многу повеќе можности од порано“, вели Таневски.

Таневски е еден од најмладите дизајнери во Мерцедес, така што неговите дизајни допрва ќе ги освојуваат патиштата низ светот.

Last modified on Четврток, 30 Декември 2021 - 05:34

.

.


ПОСЛЕДНИ ВЕСТИ:

Олга Мурџева-Шкариќ добитничка на „Цветиновата награда за мир“

Денеска напладне во Меморијалниот центар на Фондацијата „Никола Кљусев“ во

Повеќе

Иницијатива - 25 јануари да биде ден на хуманоста во Македонија

Роденденот на нашата музучка и балканска ѕвезда, Тоше Проески е денеска 25

Повеќе

Саше од Богданци е носител на Светиот крст од водите на Паљурци

Церемонијата на осветување на водите по повод христијанскиот празник Водици

Повеќе

Саше од Богданци, Даниел од Стојаково се носители на Светиот крст

Церемонијата на осветување на водите по повод христијанскиот празник Водици

Повеќе

Иле Илевски го извади Светиот крст од водите на Вардар кај Гевгелија

Трикратниот фрлач по крстот Иле Илевски (31 годишен) од село Давидово, но веќќе

Повеќе

Дејан од Куманово го фати светиот крст во Дојран

Денешниот чин на осветувањето на водите Водици и фрлањето на светиот крст во

Повеќе

Црвениот крст Гевгелија ја започнува сезоната на крводарителски акции за 2022

Највисокиот чин на хуманост на граѓаните- крводарувањето ќе биде цел на првата

Повеќе

Собранието ја избра новата Влада, Ковачевски е премиер

Со 62 гласа „за“, 46 „против“ и без воздржани пратениците во Собранието вечерва

Повеќе

Вори Гевгелија меѓу 100-те најголеми извозници во државата

Компанијата “Вори” од Гевгелија е една од водечките компании во македонската

Повеќе

Донација од Германска Амбасада за ДППД Дојран

Доброволното против пожарно друштво од Дојран доби донација во вид на

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.