Twitter

Церемонијата на осветување на водите по повод христијанскиот празник Водици денеска беше испочитувана и во Богданци.
За празникот Богојавление -Водици утрово се отслужи Света Божествена Литургија во храмот „Св.Атанасиј“, со почеток во 07:30 ч.а потоа голем Богојавленски водосвет во дворот на црквата.

На пладне се одржа осветување на водите во браната Паљурци преку чинот на потопување на чесниот крст во водите на истата.

Најуспешен од сите кои се фрлија во водите на Паљурци и запливаа по светиот крст беше 21 годишниот Саше од Богданци.

Честитки за храбриот и почесен чин му изразија сите присутни пладнево на Паљурци, а свештениците од црквата „Св. Атанасиј“ го благословија со желби за здравје и порака за благодет за сите семејства на оваа Епархија.

На баната кај  Селемли попладнето се изврши и фрлање на светиот крст во организација на црквата „Св. Недела“ од Стојаково која припаѓа на Гевгелиската епархија.
Овде најуспешeн беше  Даниел Анчев, од Стојаково. 

Организаторите од „Св. маченик Недела“ информираат за одлуката, поради состојбата со ковид-19, Светиот благороден крст наместо да ги посетува домаќинствата заедно со денешниот фаќач на крстот, истиот ќе биде изложен во црквата Св. мач Недела од утре после 9 часот. Осветениот крст изваден на Богојавление од водите на Паљурци во црквата ќе стои до недела. Сите донации од лицата што ќе го посетат божјиот храм и Светиот крст, по овој повод, ќе бидат донирани. Ова е благороден гест од браќата Тоше и Даниел Анчеви, информираат претставници од црквата во Стојаково.

Нека е за многу години Богојавление и Водици. Нека донесе здравје, благодет и бериќет во сечиј дом.