Twitter

Азоцијацијата на приватните лекари во Република С.Макдонија за утре, петок 4 март 2022 закажува нов протест втор по ред на матичните лекари од државата.
Оваа одлука за протест и искажување незадоволство за нивната состојба како примарна здравствена дејност е едногласно донесена од Управниот одбор на Здружението на приватни лекари на Македонија (ЗПЛРМ) кое се одржа на 27 февруари годинава.

Одлуката за протест е чин на незадоволство од неисполнување на ниту едно од барањата на матичните лекари упатени до Министерството за здравство и Фонд за здравствено осигурување на РСМ. По одржаната средба со заминик министерот за здравство, претставник на Лекарската Комора на Македонија и претседателката на ЗПЛРМ д-р Дервишева беше договорено сите прашања и барања на лекарите да се разгледуваат во посебни комисии. Комисиите беа формирани, но не се испорача конечен резултат.
Последната средба во истиот состав меѓу чинителите во здравството донесе договор сите барања на лекарите да се испорачаат како барања на Коморите (Лекарската Комора и новоформираната Комора на приватни и матични лекари).

Бидејќи процесот на договарање административно се усложнува, приватните матични лекари сакаат уште еднаш да алармираат за состојбите во примарното здравство и за утре закажуваат мирен протест. На денот на протестот лекарите, матични лекари нема да се пријавуваат на системот „Мој термин“ и нема да издаваат упати и рецепти, туку ќе работат само при прием на итни случаи.

- „Дадовме доволно рок од 14 дена од претходниот протест барем нештата да се придвижат. Но, МЗ и ФЗОМ не покажаа никаков слух нити разбирање за нашите проблеми. Остануваме цврсто и сложно на нашите барања и не отстапуваме од истите. Се работи за опстанок на примарното здравство“ - одговори др Христина Прошева, координатор на Здружението на матичните лекари за Гевгелија, Богданци и Дојран.