Twitter

ВАСО КАРАЈАНОВ - Леонид ( 22.12.1921 - 02.08.1943 г.). Во напредното младинско движење во Гевгелија се приклучува многу млад во 1936 година на 15 годишна возраст. Во меѓувреме станува еден од најактивните напредни младици во Гевгелија и во 1939 година се приклучува на СКОЈ (Савез комуниста омладине југославије) и КПЈ (Комунистичката партија на Југославија). Во април 1943 заминува во партизани на Кожуф планина и се приклучува на нантифашистичката борба. Загинал на 18 годишна взраст во местото Клуч на Кожуф планина. Тој е првиот паднат борец во НОВ од Гевгелија.

ТАЉА БИКОВА - (1927-28.09.1944 г.) Во 1943 г. станала член на СКОЈ, а во април 1944 се приклучила во редовите на Народноослободителната Борба. Загина во борбите за ослободување на струмичкиот крај во с. Попчеово, струмичко;

ДЕКО КОВАЧЕВ - (1914 -1978) - член на групата од 15 младинци кои први заминале во партизани на 26 април 1943 година на Кожуф планина каде е формиран првиот партизански одред „Сава Михајлов“ со кој Деко и соборците учествувале во низа борби во Гевгелиско и низ Македонија;

АЛЕКО ЌАЕВ - (1922-1981 г.) - е исто така првоборец, член на првата група младинци излезени во партизани на 26 април 1943 година.
И Деко Ковачев и Алеко Ќаев имале среќа по низата активни борбени дејствија да ја донесат и дочекаат слободата. После војната стануваат активни градители на општествениот живот и развој на општината

Денот на победата над фашизмот 9 Мај го посветуваме на борците од Гевгелија и гевгелиско кои во далечната 1943 заминаа во партизани приклучувајќи се на Антифашистичката коалиција, кон која се приклучија 61 земји од светот, меѓу кои и Македонија.
Најчесто делегациите од општествено-политичкиот живот во општината ги посетуваат спомениците на Народните херои, спомениците на носителите на Партизанска споменица од НОБ и Спомен костурницата на паднатите борци од Гевгелија и гевгелиско.
Без цвеќе, остануваат паметниците на овие борци лоцирани во Градскиот парк, дворот на негогашниот тутунски комбинат „Таља Бикова“ и пред Железничката станица во Гевгелија. Денеска со посетата на нашиот репортер сакавме да дадеме светлина врз нивното дело за време на борбата против фашистичкиот окупатор.

Вечна слава! Во благодариме за слободата!