Twitter

Надлежните велат дека Македонија со моментално преку 5.000 заболени од ковид-19 се наоѓа во жолта ковид зона.

Порастот на бројките на заразени од корона не ја одмина ниту Гевгелија и регионот на надлежност на Општа Болница Гевгелија. Во моментот активни на вирусот се 64 лица од регионот на надлежност на Центарот за јавно здравје Гевгелија.
Од позитивните: 52 случаи се во Гевгелија, 8 во Богданци и 4 во Дојран (во општински рамки).

Првиот летен случај на југот е регистриран на 23 јуни во Гевгелија и до сега во изминатите 5 недели случаите на ковид заболени достигна 64 лица. Ова во просек значи по 2-ца новоинфицирани секој ден, или ако се земе во предвид дека деновиве имаше и оздравени лица, просечната бројка на дневно инфицирани во регионот е над три лица дневно.

Комисијата за заразни болести засега не препорачува нови мерки.
Министерот за здравство, Беким Сали, вчера посочи дека aко се гледа според искуството на досегашните бранови на зараза со ковид-19, сега се наоѓаме пред пикот на моменталниот бран.

„Ние забележуваме секојдневно благо зголемување на новоинфицирани во државата, Скопје сè уште е жариште, односно црвена зона. Меѓутоа, од аспект на оптоварување на системот сè уште сме во жолта зона“, појасни Сали.
Министерот апелираше до хронично болните да се вакцинираат со четврта доза доколку веќе примиле трета, а до лицата кои се тестираат дома со брзи тестови побара да се самоизолираат најмалку три дена.