Twitter

Празничната слика на Дојран за 2-ри август беше топло време, преполни плажи, преполно шеталиште, и многу гости.

Некои со време резервирале за престој во Дојран, а еднодневните празнични гости од немајкаде, а со ниет да поминат празнично некаде надовро од дома, ги запоседнаа патеките за шетање и претворија во паркинг зони, тревнатиот простор во кампинг за шатори, зелените зони под сенките ги пренаменија во зони за разгорување и печење на скара.

Полни кафиќи, полни ресторани, полни плажи капачи, музика до доцна во ноќта, со празнична дозвола, или не. Тоа беше вистинско прзанично-туристичко торнадо од гости кое секој Илинден го доживува Дојран, со причина, зошто е туристичко место, и зошто 2 авгут, денот на Св. Илија од дамнина се слави како патрон на овој град.

Сите со впечатоци, угостителите со полни каси, а плажите и шеталиштата покрај Дојранското езеро денеска се разбудија со преполни корпи за отпадоци, со смет расфрлан насекаде, по тревниците, а не беа поштедени ниту жардинерите.

Се' би било во ред, ако малку се покаже туристичка култура: Тоа што го носиш од дома за храна, амбалажа од пијалоци да го собереш во кесе и да го фрлиш во најблискиот контејнер. Ако го нема, до следниот најблизок контејнер, или во корпата за отпадоци дури до дома. Вака, послепразничната слика на Дојран денеска е жална. Комуналците не можеа да престасат со работа дури трае работниот ден. Ќе треба два дена чистење од несовесните посетители за крајезерска забава и целодневно и целовечерно 2-ро августовско празнување во Дојран.

Фото: Б. Делев