Twitter

Луксузно континентално патување за одбрани гости кои можат да платат билет кој од 14 до 30.000 евра го нуди моќната железничка композиција „Golden Eagle Danube Express“ составена од 14 патнички коли, вагони за спиење, вагони за јадење. Несекојдневното патување низ Европа со овој железнички превоз трае 12 дена со посета на неколку балкански градови.

Возот вчера помина и низ Гевгелија. Задоволството да ја видат внатрешната раскошност и амбиентот во кој уживаат малубројните патници на железничката Европска турнеја ја имаа железничките полициски и царински службеници од Гевгелија.

Овој воз сообраќа само еднаш оваа годината. Ексклузивниот патнички воз сообраќа на релација Венеција - Истанбул - Венеција. Завчера беше во Скопје, вчера претпладнето во Велес и овде беше направено кратко видео како возот поминува низ македонската железничка пруга. Вчера го продолжи патот до Солун, а ледната дестинација е Инстанбул.

Возот имал вкупно 60 патници, повеќето Американци, кои допатувале со авион до Венеција, и патуваат до Истанбул. Од таму нова група од 60 патници исто така Американци ќе се вози 12 дена до Венеција.

„Golden Eagle Danube Express“ е вашиот луксузен хотел на тркала. Се гордееме што го нудиме најдоброто искуство на нашите патувања, а покрај нашите луксузни кабини за спиење, нудиме првокласен бар-лоунџ автомобил и автомобили за ресторани“ пишува во објавата за ова патување со навестување дека сите гости од кабината имаат свој кабински придружник кој се грижи за сите нивни потреби во текот на патувањето.

Рутата на патување опфаќа посети на Венеција, Трст, Љубљана, Загреб, Сараево, Мостар, Белград, Скопје, Солун, Софија, Пловдив и Истанбул.

Возот веќе има термин и за враќање низ Гевгелија. Тоа треба да се случи на 10-ти август во попладневните часови.

И на крај за цената во делукс кабини за двајца е 21, 5 илјади евра а за еден е 14,4 илјади евра. За супер делукс кабини за двајца е 18 илјади евра за еден е 30 илјади евра.

Гевгелиската железница од нејзиниот почеток ја посетувале великодостојници. Еве сега и луксузни патници со луксузен воз како од времето на „Ориент експрес“ кој го опишува познатата Агата Кристи.

Фото: „Golden Eagle Danube Express“
Видео: Петар Печков