Топ Новости
Две Кривични пријави за 2-ца гевгеличани - Четврток, 22 Септември 2022 18:33
Приведен бегалец од Затвор Гевгелија - Вторник, 20 Септември 2022 14:05

По повод 27 септември - Меѓународниот ден на туризмот Министерството за економија на РСМ во име на туристичко-угостителскиот сектор одржа свечена седница на која додели 23 признанија на истакнати туристички работници од Македонија.

Меѓу добитниците е и Петар Јанев, познат како газда Перо, стопанственик, угостител, втора генерација сопственик на ресторанот „Фук Так“ во Стар Дојран, наследен од неговиот татко.
Традицијата на угостителството во гостилницата „Фук Так“ започнува од XIX век, во 1884 година од основачот дедо Туше и веќе навлезе во третото столетие со третата генерација наследници на семејниот угостителски занает. Веќе 138 години посветено се пренесува мајсторијата на угостителството, а тоа е да се угостат гостите така слатко за да посакат пак да се вратат во Дојран на гурманските специјалитети од риба од поднебјето на Дојран и Дојранското езеро.

Газда Перо познат по своите вкусни чорби од риба, по рибите на жар, традиционалната риба во тава, направи успешен спој на традицијата со новите мераци на добра закуска, па ги следеше желбите на гостите и со вкусни мезиња и ароматични вина, добра капка, ја дополнуваше атмосферата на уживањето во секоја посета на Дојран и незаобиколното гурманско уживање во гостилницата „Фук Так“. Тој ја заслужува наградата - Признанието за посветеноста во развојот на туризмот и угостителството бидејќи се посвети на создавање на новата генерација угостители во гостилницата, кои атмосферата на угостителството ја прават романтична средба со вкусовите на Дојран и новите кулинарски вештини, аранжирање, послужување. Така што престојот во „Фук так“ не само што ќе ве насити, туку ќе ви ги ангажира сите сензори за вкус, убавина и естетско доживување на јадењето.

Приананието "Makedonia timeless“ за животно дело за исклучителен придонес во развојот на туизмот, афирмација и промоција на Република Северна Македонија на меѓународен план за дојранчанецот Петар Јанев го додели лично Министерот за економија Крешник Бектеши.

- „Светскиот ден на туризмот - 27 Септември, го одбележавме под глобалното мото „Преиспитај го туризмот“, а по тој повод имав можност да доделам признанија за животно дело на 20 истакнати туристички работници. Туризмот во последните години се соочи со многу предизвици и треба заедно да ги преземеме следните чекори за да го вратиме на местото што го заслужува. Туризмот е и ќе биде приоритет на Владата на РСМ бидејќи сме свесни дека е една од најважните гранки на економијата на нашата земја“ - истакна министерот Бектеши.

Честитки за газда Перо и гостилница „Фук Так“ од Стар Дојран.

 

ОВР Гевгелија поднесе кривична пријава против лицето Д.Б.(40 годишен) од село Моин, гевгелиско. Делото за кое го терети гевгелиската полиција е поради постоење основи за сторено кривично дело „неовластено производство и пуштање во промет на наркотични дроги, психотропни супстанци и прекурсори“.

На 07.05.2022, полициски службеници од ОВР Гевгелија извршиле претрес во куќата и помошните простории на пријавениот, при што биле пронајдени и одземени марихуана и вага со остатоци од марихуана.

Кивичната пријава денеска е проследена до Основното јавно обвинителство во Гевгелија.

Според Кривичниот законик на РСМ на обвинетиот му прети казна од три до десет години според член 215 кој ги регулура санкциите за делото „Неовластено производство и пуштање во промет на наркотични дроги, психотропни супстанции и прекурсори“, во кое е наведено следново:

Член 215
(1) Тој што неовластено организира, произведува, преработува, продава или нуди на продажба или заради продажба купува, држи или пренесува или посредува во продажба или купување или на друг начин неовластено пушта во промет наркотични дроги, психотропни супстанции и прекурсори, ќе се казни со затвор од три до десет години.
(2) Ако делото од ставот (1) на овој член е сторено со наркотични дроги, психотропни супстанции и прекурсори од помало количество, сторителот ќе се казни со затвор од шест месеца до три години.



Управниот одбор на ЈПКД „Комуналец“ од Гевгелија на 19.04.2022 година донел одлука за покачување на три комунални услуги: цената на водата за користење од страна на домаќинствата и правните субјекти, цената за прочистување на отпадните води и цената за одведување на отпадните води.

Одлуката предвидува пораст на цената на водата за 11,95%, пораст на цената за прочистување на отпадните води за 58,35% и пораст на цената за одведување на отпадните води за 10,42%.

Кои се причините за предложеното покачување на цените за услугите од ЈПКД „Комуналец“ и за ваквата разноликост во порастот на цените не се објаснува во Одлуките кои гевгелиското комунално претпријатие ги доставува на разгледување и одобрување до својот основач - Советот на општина Гевгелија.

Ценовниот шок за комуналните услиги кои ги добиваат граѓаните од единственото јавно комунално претпријатие во општината не завршуваат тука. Градоначалникот на општина Гевгелија Андон Сарамандов достави до Советот предлог за корекција на цената за собирање, транспортирање и отстранување на комуналниот цврст отпад на територијата на општина Гевгелија. Истата се однесува како за домаќинства, така и за правни лица и за големи деловни субјекти. Услугите и наплата за истите по цената која изнесува 3,9 ден/1м2 станбена површина за домаќинства, плусо 0,4 денари/1м2 дворна површина на домаќинството и 7 денари за 1м2 површина за правни лица, со 1 ден./1м2 дворна површина на правното лице, ќе ги изведува и наплаќа претпријатие основано од Општината.

Петтиот ценовен шок од Комуналец е пораст на цените на услугите кои тој ги изведува со своите екипи, тоа се: приклучок на водоводна мрежа, приклучок на канализациона мрежа, ископ со мал или голем скип, изместување на водомер, кршење на бетон со хилт, набивање на земја, работа со булдожер, работна рака по единица час и друго. Примената на новиот Ценовник на услугите на ЈПКД „Комуналец“ зависи од тоа дали ќе биде одобрен од советниците од гевгелискиот Совет.

И шестиот ценовен порст од гевгелиски „Комуналец“, во пакет со сите претходни, кој е предожен за разгедување и одобрување пред Советот на општината е „надоместокот за одржување на градските гробишта“. Корекцијата изнесува плус 50 денари, односно се покачува за нови 50 денари.

Симулацијата на пресметката на сметките за вода кои треба да ги добијат граѓаните со новите цени, (ако ги усвојат советниците), покажува дека месечните трошоци на граѓаните кон „Комуналец“ ќе пораснат за 52% и нагоре, во зависност од големината на станбената и дворната површина кои сега се фактор за пресметка на износот за ѓубрарина. .
Најолемо оптоварување ќе претставува ѓубрарината која треба да порасне за 94,4%, а за прв пат цената за ѓубрарина од дворното место се пресметува со цена по 1метар квадратен, како „Комуналец“ секој ден да ни' го чисти дворот.

По овој шесткратен комунален ценовен бум предложен од Управниот одбор на ЈПКД и самиот градоначалник, локалниот општински Совет треба да расправа на претстојната 15-та редовна седница, закажана за 30 септември. Ќе го спасуваат ли советниците семејниот буџет на домаќинствата и деловната кондиција на фирмите од општината, или ќе застанат во одбрана на профитабилноста на ЈП кое го основале?

Комуналната ценовна бомба можат да ја демонтираат или активираат само советниците. А, ако предложените одлуки за ценовни корекции не се одобрени од Регулаторната комисија за енергетика и водостопанство на РСМ истите може да бидат целосно незаконски и неприменливи.

 

Екипите на Електродистрибуција ДООЕЛ ќе работат на реконструкција и модeрнизирање на дистрибутивната мрежа на повеќе локации во Гевгелија, поради што од ЕВН најавуваат 10 часовен прекин на електричната енергија на подрачјето на општина Гевгелија.
Во листата на изведбени работи за недела 25 септември ЕВН планира реализација на инвестиционите зафати за подобрување на квалитетот во снабдувањето со електрична енергија, во вкупно шест општини, меѓу кои и Гевгелија.

Без снабдување ќе останат населените места кои припаѓаат на Корисничкиот Енерго Центар - Гевгелија, и тоа на овие локации и во овие термини:

- во период од 04:00 до 12:00 часот без напојување со електрична енергија од дистрибутивна мрежа ќе биде град Гевгелија, околните индустриски корисници како и населените места: Моин, Ново Конско и дел од Мрзенци.

- Можни се кратки прекини кај сите корисници од 13:00 часот.

- од 08:00 до 13:00 часот сите корисници од општина Гевгелија со исклучок на с.Богородица и корисниците кон граничниот премин, влезот на с. Мрзенци, индустриските објекти после село Мрзенци (Империјал тобако, „Меркјури“, „Мателен“, „Еуроинг“ , хотел „Нар“ ...) и селата кон планината Кожуф.

- До 14 часот ќе има краток прекин кај сите корисници.

Известувањето е дадено со цел потрошувачите да го прилагодат својот ден со 10 часовното отсуство на електричната енергија.

Во текот на утрешниот ден екипи на ЕВН ќе работат во шест општини и осум Корисничко енергетски центри со вкупно исклучување на мрежата од 48 часа.

 

Две лица од Гевгелиско се приведени откако полицијата при претрес на нивните домови пронашла марихуана и муниција, информира МВР.

На 23.09.2022 полициски службеници од Одделот за криминалистичка полиција, Сектор за недозволена трговија со дрога, оружје и опасни материи во координација и заедничка акција со полициски службеници од Оперативен тим потраги при СВР Скопје и Надворешната канцеларија за криминалистички работи Гевгелија, по добиена наредба од судија на претходна постапка од Основен суд Гевгелија, извршија претреси во гевгелиско, при што се лишени од слобода две лица.

При претрес на дом и помошни простории во село Моин, гевгелиско, во кои живее Б.Ѓ.(46) од Гевгелија, во дворот се пронајдени насад со растението cannabis sativa, а во дневната соба се пронајдени четири пакувања со растителна материја - марихуана.

Б.Ѓ. е лишен од слобода, приведен во Полициска станица Гевгелија, а за случајот е известен Јавен обвинител од ОЈО Гевгелија. По комплетирање на документацијата против него ќе биде поднесена кривична пријава по член 215 од Кривичниот законик.

Во периодот од 19.30 до 20.30 часот, пак, извршен е претрес на дом и помошни простории во истото село, во кои живее А.К.(29) од Гевгелија, при што се пронајдени 38 боеви куршуми калибар 7,9мм, осум боеви зрна и еден боев куршум непознат калибар.

Лицето е лишено од слобода, известен е дежурен Јавен обвинител од ОЈО Гевгелија, а по комплетирање на документацијата од страна на СВР Струмица ќе биде поднесена кривична пријава по член 396 од Кривичниот законик.

Министерството за внатрешни работи со несмалено темпо ќе продолжи со преземање на интензивни мерки и активности за сузбивање на недозволената трговија со наркотични дроги и оружје.

 

Полициската станица Гевгелија поднесе кривични пријави против двајца гевгеличани кои ги сомничи за тешко кривично дело, за кое законодавецот предвидел казна од 3 до 10 години затвор.
Обвинети со кривична пријава се лицата И.Д.(31) и С.М.(34), двајцата од Гевгелија, поради постоење основи на сомнение за сторено кривично дело “неовластено производство и пуштање во промет на наркотични дроги, психотропни супстанци и прекурсори“.

На 10.12.2021 во Гевгелија, при извршен претрес во домот на првопријавениот, пронајден и одземен бил амфетамин, а исто така на 28.01.2022, при извршен претрес во домот и други простории на второпријавениот, пронајден и одземен бил амфетамин, за кој изјавил дека го добил од првопријавениот како надомест за паричен

Кривичните пријави се доставени вчера, 21 септември, до Основното Јавно обвинителство во Гевгелија.
Според Кривичниот законик на РСМ, член 215, на осомничените, им се запретува казна затвор од три до десет години.

- „(1) Тој што неовластено организира, произведува, преработува, продава или нуди на продажба или заради продажба купува, држи или пренесува или посредува во продажба или купување или на друг начин неовластено пушта во промет наркотични дроги, психотропни супстанции и прекурсори, ќе се казни со затвор од три до десет години.
(2) Ако делото од ставот (1) на овој член е сторено со наркотични дроги, психотропни супстанции и прекурсори од помало количество, сторителот ќе се казни со затвор од шест месеца до три години.
(3) Ако делото од став 1 го извршиле повеќе лица или сторителот на ова дело организирал мрежа на препродавачи или посредници или организирал дејствие од ставот (1) на овој член, сторителот ќе се казни со затвор најмалку пет години“ - извадок од член 215 на КЗ.

 

Агенцијата за храна и ветеринарство донесе одлука за повлекување од продажба во земјава на пет серии од виршлите „Вуди“, бидејќи во нив било било утврдено присуство на бактерија листерија моноцитогенес (listeria мonocytogenes ST 155). Виршлите ќе бидат уништени, а агенцијата ги повикува потрошувачите да не ги консумираат виршлите од подолу наведените серии, односно да ги вратат на местото каде што ги купиле.

За проблемот, агенцијата била известена од Италија, каде се наоѓа производителот.

Кај компанијата увозник извршен е вонреден инспекциски надзор и утврдено е дека од спорните серии, кои во земјава биле увезени во неколку наврати, во магацините се
наоѓаат 3.030 килограми, кои се ставени под службен надзор. Овие количини, нештетно ќе бидат уништени заедно со количините кои ќе бидат повлечени од пазарот.

Спорните серии од производителот Agricola Trevalli Soc Coap ARL од Италија во земјава биле увезени преку компанијата Колид С Тим од Колешино Струмица“ информира Агенцијата за храна и ветеринарство.

Секоја недоследност во однос на безбедноста на храната граѓаните можат да ја пријават лично до Одделението за заштита на потрошувачите при АХВ, на бесплатната телефонска линија наменета за потрошувачите 0800 3 22 22 или електронски на Оваа е-адреса е заштитена од спамботови. Треба да ви е овозможено JavaScript за да ја видите. .

Фото: Листа на сериско производство кои се повлечени од продажба

 

"""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""

Вчерашниот ден, 20 септември, одбележан со физичко насилство на ГП „Дојран“, на клучката Марвинци и пукање со огнено оружје кон жител на Стојаково на бензинска пумпа кај Катланово. Приведени двајца сторители на физичко насилство.

Првиот случај е заведен дека се одвивал на 20.09.2022 во 12.00 часот на Граничен премин „Стар Дојран“, Тогаш, полициски службеници го привеле В.Д.(30) од Република Србија затоа што на граничниот премин физички го нападнал Б.Р.(53) од Богданци. Лицето било изведено пред судија од Основен суд Гевгелија, кој му изрекол санкција.

Истиот ден, (20.09.2022 г.) на магистрален пат М1, во близина на клучка „Марвинци“, полициски службеници од Полициската станица за граничен надзор и гранични проверки Богородица и полициски службеници од Чешка Република го лишиле од слобода Ѕ.А.(22) – илегален мигрант од Мароко затоа што физички нападнал полициски службеник од Чешка кој извршувал службени дејствија. Претходно, тој, со група со уште четири лица мигранти, биле запрени од полициските службеници и при обид да побегнат, Ѕ.А. и уште едно лице физички го нападнале полицискиот службеник. Тој бил приведен во Полициската станица Гевгелија и по целосно документирање на случајот ќе биде поднесена соодветна пријава.

Третиот случај на насилство се случил на бензинска кај Катланово. Случајот е заведен околу 19:30 часот во Полициското одделение Петровец, а пријавител е Д.В.(27) од с.Стојаково, општина Богданци. Тој пријавил дека околу 18:50 часот на автопатот Скопје-Велес, на бензинска пумпа во близина на Катланово, две возила „БМВ“ и „Мерцедес“, во кое било лице со кое претходно имале недоразбирања, му го попречиле патот на товарното возило кое го управувал и пукале кон возилото. Нема повредени лица, ниту оштетувања на возилото на пријавителот. Се работи на расчистување на случајот.



По повод 20 септември, Денот на пензионерите на Македонија , Здружението на пензионери од Гевгелија е прогласено за едно од 5-те највредни здруженија за што доби посебно Признание од Сојузот на здруженија на пензионери на Македонија.

Ваквото признание Гевгелиското ЗП го стекна за особена грижа и помош на пензионерите од руралните средини, во рамките на проектот „Рурален пензионер 2022“. Во текот на изминатите три месеци ЗП Гевгелија посети 16 пензионери од руралните средини и им подели пакети со продукти за живот, храна, средства за хигиена, облека. Беа посетени пензионери од Давидово, Петрово, Миравци, Смоквица, Моин, Горничет, Конско, Ума, Серменин, Кованец, Милетково и тројца пензионери од Гевгелија.
Најзаслужни за организирањето и спроведувањето на акцијата „Рурален пензионер 2022“ во Гевгелија беа Јана Узунова -претседател на Актив на жените пензионерки од Гевгелија, Јана Аризанова, замени претседател на Активот на жени пензионерки, како и претседателот на ЗП Гевгелија Велин Стоименов. Тие ги подготвува пакетите и организираа посета на своите членови во руралните места низ гевгелиско.

Освен Гевгелија, признанија за псебни остварувања за истиот проект беа доделени на Здруженијата на пензионери до Кратово, Валандово, Штип и една скопска општина.

Настанот на одбележувањето и доделувањето на Признанието се одржа денеска во Скопје во просториите на Сојузот на здружението на пензионери на Македонија каде во присуство на претставници од 53 Здруженија на пензионери од државата се одржа свечена седница на која ги истакна своите највредни членови и здруженија.

ЗП од Гевгелија брои 4.530 чланови, а во активнстите некои се ангажирани, а некои по не моќни не се заборавени.

Овој месец гевгелиските пензионери, членови на пејачката група „Сава Михајлов“ се вратија со прва награда за настап на фестивал на старогрдски песни во Бугарија.
Со песни и дружења планираат да го одбележат денешниот ден на пензионерите, со заедничка средба во „Романса“ Прдејци, во петок 23 септември, гордно ни' изјави за GevgelijaNet претседателот на ЗП Гевгелија, Вели Стоименов.

 

Приведен е 33 годишен жител на с.Пирава за доиздржување на изречна казна затвор.

Вчера претпладне, на 19.09.2022 во 11:25 часот, полициски службеници од Полициската станица Валандово го лишиле од слобода Д.Ѓ.(33) од село Пирава, валандовско, за кого била распишана потерница поради бегство од Затвор Гевгелија.

Лицето било предадено во Казнено - поправната установа Затвор Гевгелија за доиздржување на казната.

Во соопштението на МВР не се вели за какво дело и колкава казна затвор издржува осуденикот, или колку денови е во бегство, но тој е сега на местото кое му е пресудено.



Страница 1 од 234

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.