Претстојната седница на Советот на општина Гевгелија партиските и граѓански избраници во локалнаата самоуправа ќе се соочат со три иницијативи за предлог на дневен ред:
1. Доделување еднократна парична помош во износ од 3.000 денари за 220 за првачиња запишани во четирите основни училишта во Гевгелија. Оваа иницијатива се предлага по трет пат по едно реализирано одбивање да се стави на дневен ред од претседателот на Совето и едно мнозинско гласање да се одбие предлогот.
2. Предлог одлука за доделување стипендии на студентите од Гевгелија запишани на редовни студии н Машинскиот и Електродехничкиот факултет во учебната 2022/2023 година.
Во Буџетот на општина Гевгелија за 2023 година веќе се предвидени такви средства па се предлага да се распише оглас за конкурирање за стипендии од овие студиски групи за студенти од општина Гевгелија.
3. Советнички прашања е третиот предлог за вметнување во дневниот ред на веќе закажаната 16-та седницата на Совет на опш. Гевгелија.
Советничките прашања според деловникот за работа на Советот треба да се одржуваат секое тримесечје, а овој состав на локалниот Совет во Гевгелија има до сега одржано само една седница на која се содржеше точката „Советнички прашања“.
Сите три предлози се доставени од советничката група на СДСМ Гевгелија со коалицијата. со дата од 26.10.2022 година.
Ќе имаат ли првачињата среќа овој пат, за доделување еднократна парична помош со третото по ред предлагање пред локалните советници?
Ќе се здобијат ли со право на стипендија и гевгелиските студенти по машинство и електротехника како дефицитарни професии во Гевгелија?
Ќе одговара ли градоначалникот за сработеното ана прашања од советниците по речиси изминати 12 месеци од неговиот мандат?
Одговорите ќе ги добиеме во сабота на 29 ноември кога треба да се одржи 16-та редовна седница на гевгелискиот Совет.
