Последниот работен ден од 2022 година општина Гевгелија објави Оглас за вработување на еден Соработник за администрирање, утврдување и присилна наплата на комунални такси.
Вработениот ќе биде распореден во Одделение за локални даноци и такси, Сектор
за финансиски прашања.
Во текот на 40 часовната работна недела новиот административен работник освен пресметката на комуналната такса ќе има обврска да подготвува и налози за присилна наплата на истата од страна на обврзниците од Општината.
Платата на административниот рабтник за утврдување и присилна наплата на комуналната такса ќе изнесува 26.778,00 денари во нето износ.
Огласната постапка, се разбира, ќе заврши во следната 2023 година, најкратко за 50, а најдолго за 70 денови
Огласот трае 15 дена почнувајќи од денот на објвувањето 30 декември 2022. Следната фаза е селекцијата на кандидатите која треба да се изведе во рок од 15 дена, потоа испит за административен службеник кој треба да се изведе во рок од 10 до 30 дена, и „проверка на веродостојност на докази и интервју со кандидатите“ што треба да се изведе во рок од 10 дена.
Тоа значи дека од вториот квартал во годината Општината може да започне со присилна комунална „берба“ на ненаплатените комунални такси од обврзниците во општината.
Нотарите ќе имаат работа, извршителите исто така.
Инаку, даночните приходи на општината за 2023 година се планирани на 158,4 милиони денари, што е за 14 милиони повеќе од 2022. Кој ќе плати регуларно, а кој со извршно решение зависи од платежната дисциплина на даночните обврзници од општината.
