На ден Божиќ, 7 јануари 1943 година во Њујорк умрел Никола Тесла, еден од најголемите умови и пронаоѓачи на полето на електротехниката.
Тој е пронаоѓач на трофазниот систем на пренос за електрична енергија, на индукциониот мотор, на генераторот, на трансформаторот и на цела низа други откритија врз кои денес се заснива модерната електроника.
Тој е пионер на радиотехниката и според него струјата со висок напон го доби името Теслина струја.
Патентите на Тесла и неговата теориска работа го претвораат во предводник на Втората индустриска револуција.
На 30 јули 1891 година, на возраст од 35 години, Тесла станал натурализиран граѓанин на САД. Во истата година го патентирал Теслиниот калем.
По неговата демонстрација на безжичната комуникација (радиото) во 1893 година и откако е прогласен за неспорен победник во „Војната на струите“, тој станува најпочитуваниот и најголемиот американски и светски научник.
Голем дел од неговата најрана работа ќе стане основа за модерното инженерство, а многу од неговите откритија се од непроценлива важност за развитокот на модерната цивилизација.
Современите проучувачи на ликот и делото на Тесла го нарекуваат “човекот што го измисли дваесеттиот век” и “светецот-заштитник на модерниот електрицитет.”
Иако бил номиниран за Нобелова награда, никогаш не го добил ова големо признание.
Роден е во селото Смиљан, кај Госпиќ, (Хрватска) на 10 јули 1856 година.
Почина сам во хотелса соба каде и што живеел, не примајќи никого последните три дена, чувствувајќи дека ќе замина во вечноста. Имаше 87 години.
Светот доживеа огромен напредок со примена на неговите откритија.
