Гевгелија распеана и музикална – отсекогаш важела за таква.
Тоа го потврдуваат и нејзините жители, годинава дури двајца натпреварувачи на Балканското музичко шоу „Ѕвездите на Гранд“.
Последната сабота од јануари 22 годишниот Филип Ангов од Гевгелија настапуваше во вториот циклус на претставување на кандидатите и со четири гласа се пласира во третиот циклус од музичкото Балканско шоу.
Филип имаше успешен настап на првиот циклус, кого се стекна и со свој ментор – тој ја бираше и ја доби за ментор Марија Шерифовиќ, Евровизиската победничка, со што покажа дека има фокусирана цел и негов искрен избор за соработка за подготовките во следните фази на шоуто.
Досега на големата сцена на „Гранд продукцијата“ се претстави со песните: „За Лилјану“ во пијано преработка од артистот Ацо Пејовиќ, „Пусти ритам“ од „Тропико бенд“ (во првиот круг) инаку за Филип изборот на песната од овој бенд е поради тоа што тој го смета за еден од Топ 5 бендови на Балканот.
Во вториот круг ги отпеа песните „И сад ме по теби познају“ од Ал Дино и „Откачи“ од Мира Шкориќ. Брзиот ритам од „Откачи“ и динамиката на сцената ги убеди членовите од жирито дека кај Филип има енергија која ја пренесува на сцената и дека требало и двете песни да му биле со тој стил на избор.
Дел од коментарите на жирито беа дека кај него има некој страв како кочница, што не е точно, се е тоа возбуда :
– „Се случува некое чувство кое и при сите подготовки да го покажеме нашиот максимим еве се случува нешто во тој момент кое народот го нарекува трема. Имав возбуда, зголемен адреналин, но се’ во граници на нормалата“ – вели Филип за забелешките дека можел и подобро да ја совлада и песната и сцената.
Овој млад гевгеличанец за себе вели дека го направил животниот избор – во моментот го интересира и работи само музика.
– „ Кога одбирате што сакате да бидете во животот и кое да биде вашето занимање само запрашајте се што ве прави среќен и тогаш ќе знаете што е вистинското за вас“ – одговори Филип на прашањето на GeevgelijaNet „Што работи и што го окупира неговиот интерес“.
Дознавајќи ги ваквите музички определби останува да му посакаме уште убави настапи на Филип на „Ѕвездите на Гранд“ и да започне сигурно и самоуверено да ја гради својата ѕвездена музичка иднина.
Филип освен музиката и добриот глас го краси и хуманоста. На видеото подолу со песна го разубавува Меѓународниот ден на лицата со посебни потреби, штитеници од Дневниот центар во Гевгелија по повод нивниот светски ден 3-ти декември.
