Делегации на СЗБ од НОБ, од Општината, претставници на политичките партии и Здружението на пензионери во Гевгелија денеска оддадоа почит пред споменикот Сава Михајлов по повод 118 годишнината од неговата смрт и 80 годишнината од депортацијата на евреите од Гевгелија кои беа ликвидирани во злогласните фашистички логори на смртта
Сава Михаjлов (25 декември 1877 – 1 март 1905) е познат македонски револуционер, учесник во македонското револуционерно движење, член, раководител и војвода на Македонската револуционерна организација роден во Гевгелија и истакнат историски лик од годините на борба за македонската самобитност.
Од почетокот на 1903 бил војвода во Гевгелиско. Учесник е во четата на Јане Сандански која ја киднапираше мисионерката Мис Стон, со цел да се изнуди откуп, а средствата да бидат употребени за вооружување на револуционерите кои се борат за слобода на Македонија.
Учествува во Илинденското востание.
Тој е првиот гевгелиски војвода и инспирација на партизанското движење во Гевгелиско кои што својот прв партизански одред формиран на Кожуф планина го нарекоа со неговото име „ ПО „Сава Михајлов“ Гевгелија.
Цвеќе денеска беше положено и пред Спомен плочата на 14-те евреи од Гевгелија кои на 10 март 1943 година станаа дел од конвојот на вкупно 7.114 Eвреи од Македонија кои биле одведени во логорот на смртта Треблинка во окупирана Полска. Таму беа и ликвидирани.
За настаните од одбележаните годишнини и евоцирани сеќавања за Савата и гевгелиските жртви на Холокаустот, денеска беседа одржаа историчарот Миле Смилков, секретарот на Здружението на борците од НОБ Ангел Алчинов и претседателот на СЗБ д НОБ Ристо Марковски.
Хероите не се забораваат!
Злото на фашизмот не се заборава!
Слава и почит на загинатите во непокорот за Македонија!
