Во текот на вчерашниот неделен ден, на 05.03.2023 во периодот од 12:00 до 18:00 часот на подрачје на Секторот за внатрешни работи Струмица била спроведена контрола за санкционирање на возачи кои управуваат возила со брзина поголема од дозволената.
Притоа, биле констатирани 74 пречекорувања на брзината, од кои 34 на подрачје на Радовиш, 24 на подрачје на Струмица, 12 на подрачје на Валандово и 4 на подрачје на Гевгелија, (или процентуално тоа е 5,4% од вкупно изречените прекршоџи во регионот).
За периодот од шест часовна контрола колку што траела сообраќајната контрола излегува дека во Гевгелија, во просек на 90 минути била изрекувана по една казна за возење со прекумерна брзина од дозволената.
Ова за разлика од 37-те констатирани прекршоци за пречекорувања на брзината во сообраќајна полициска контрола извршена на 19.02.2023 година во Гевгелија значи видно подобрување. Пред 14 денови во Гевгелија на секоја 9-та минута низ патиштата „прелетувало“ по едно возило со поголема брзнина од дозволената, а сега, после изречените 37 казни, како да се дисциплинирале локалните возачи. Вчерашниот сообраќаен билтен вели дека гевгеличани на секои 90 минути низ патиштата „прелетувале“ со поголема брзнина од дозволената. Значи, за 10 пати е подобрена сообраќајната дисциплина во однос на претходниот месец кај гевгелиските возачи.
Согласно законот, и новите 4-ца прекршители на прописите за максиално дозволена брзина на движење биле соодветно санкционирани од страна на сообраќајната полиција.
Прекршителите во регионот еднакво не ги почитуаат правилата за ограничување на брзината и во, и надвор од населено место. На тоа укажува вчерашната контролна акција каде од изречените прекршочни казни 38 прекршувања на брзината биле констатирани во населено место, а 36 надвор од населено место.
