По една година од својата премиера комедијата „Пациенти“ и понатаму ја засмејува публиката ширум сцените во културните домови каде гостува театарскиот состав од „Провокација“.
Вечерва, за прв пат гевгеличани имаат можност да ја проследат во 19:30 часот во Народниот театар во Гевгелија.„Каде се парите“ е главна тема околу која се создаваат ситуациите во оваа комедија, која на еден комичен начин ги прикажува односите во бракот, зборувајќи за тоа како изгледа заедничкото живеење на партнерите кои го негуваат егото наместо љубовта.
Ова е тето претставување на Театар „Провокација“ пред публиката во Гевгелија. До сега имаат гостувано со претставите „Прво ќе ме земеш, после ќе ме … “ и „Разведи ме“ кои наидоа на одличен прием кај гевгелиската публика.
Актерскиот тим го сочинуваат Роберт Ристов, Мирјана Поповска Ристов и Радо Алексовски. Режијата е на Ѓорѓи Ризески.
Ова е претстава која е огледало на ситуациите од нашите животи. Дополнителен квалитет е тоа што брачната актерска двојка Мирјана и Роберт Ристов, несебично го внесува своето емпириско искуство, со цел огледалото да стане што појасно и пореално. Улогата на Доктор Доце му е доделена на младиот и талентиран актер Радо Алесовски.
Еве неколку фотографии од сценската игра која можеби ќе Ве привлече вечерва да бидете дел од публиката во Народниот театар Гевгелија.
