Учениците од секторот Угостителство и туризам имаа привилегија да се запознаат со Методи Перунковски, најдобриот бармен во Македонија и добитник на бројни медали и награди на државни и светски натпревари во барменство.
Методи со задоволство сподели дел од неговата креативност и вештини во стручно мешање пијалаци, а учениците беа воодушевени што можеа преку практичната презентација на неговата работа да учат и сами да подготвуваат и дегустираат коктели.
Вака изгледаа задоволните ученици кои го подготвија својот прв коктл, а публиката ги дегустирше.
Методи Перунковски од Гевгелија победи на 8-от Државен натпревар за бармени и флертендинг, што вчера се одржа во кафе бар „Ликвид“ во Охрид во 2015 година. За највешт во конкуренција од 18 натпреварувачи беше прогласен во финалната фаза од натпреварувањето освојувајќи ги тутулите во двете категории, и тоа класична подготовка на коктели и „флертендинг“ (акробациски движења и елементи на жонглирање со барската опрема).
Истата година, во конкуренција на 28 бармени од цела Македонија, Методи Перунковски од Гевгелија го освои првото место на финалето на „Вигор Бармен Куп“, што се покажа за негова најуспешна година во кариерата.
Како најдобар бармен во Македонија таа година се пласираше да ја претставува Македонија преку Здружението на бармени на Македонија на Светскиот коктел и флертендинг шампионатот што од 10 до 15 октомври ќе се одржа во Софија.
За најобар коктл мајстор Методија беше прогласен и на Државниот натпревар во Виница 2016 година.
Професионалното барменство го продолжува и понатаму со успех, а еве несебично ги споделува своите знаења и со младите ученици од отсекот угостителство во гевгелиското средно училиште.
Македонија има коктел традиција, а Гевгелија коктел бармени првенци кои учат нови генерации за подготовка на добрата капка за добра дружба. Методи не ги заборава натпреварвањата и ширењата на коктел ултурата во нашата земја. Последното гостување беше во „Аква парк“ Пробиштип по повод 10 годишнината од овој спортско-забавен комплекс, 2021 година.
