Полициската станица од Гевгелија во својот извештај за безбедноста на патиштата и статистиката која ја води за евидентирани сообраќајните незгоди констатирала намален број на сообраќајќи во второто полугодие од 2022 година, на подрачјето на својата надлежност.
Со 62 евидентирани сообраќајќи во периодот јули-декември 2022 наспроти евидентираните 81 во истиот период 2021 година, на подрачјето на полициска надлежност на ПС Гевгелија бројот на сообраќајки е намален за 24% за последното шестомесечје од минатата година.
Ова значи дека месечниот просек на сообраќајќи во 2022 година II полугодие е 10 сообраќајќи, а истиот период во претходната 2021 бил 13,5 сообраќајќи на еден месец
Во незгодите настрадале 35 лица од кои 5 со претрпени тешки телесни повреди, 25 со полесни телесни повреди и еден смртно настрадан.
Најголем број на сообраќајќи се случиле на ден петок, па можно е опуштеноста од крајот на работната недела да придонела за неконтролирани возачи и учесници во сообраќајот.
Од причините за сообраќајни несреќи најчесто се јавува „управувањето на возило под дејство на алкохол“ (12 случаи), потоа „непочитување на страна на движење“ (10 случаи), и „брзото возење“ (6 случаи). Најголем број од причините за сообраќајќите е во категоријата „Останати причини“ за кои знаат полициските извештаи и самите учесници во овие незгоди.
Поголема невнимателност на возачите и евидентирани сообраќајќи има на отворен пат (38), наспроти 24 евидентирани сообраќајни несреќи во населба.
Сепак, попугодишниот извештај укажува дека зголемениот број на контроли во сообраќајот од страна на полициските службеници на ПС Гевгелија, вкупно 7.829 исконтролирани возила, донекаде придонеле за намалениот број на сообраќајни несреќи во подрачјето на Гевгелија, Богданци и Дојран, каде надлежност има Полициска станица Гевгелија.
