Криумчарењето мигранти и покрај високите казни и успешните акции на полициските службеници, низ јужната траса се’ уште се активни
Вчера утрото, на 09.05.2023 во 08:15 часот кај Железничката станица Неготино, полициски службеници од Полициската станица за граничен надзор Михајлово при Регионалниот центар „Југ“ го лишиле од слобода А.Г.(39) од Богданци.
При преглед во патничкото возило „Ауди“, кое го управувал со регистарски таблички од друго возило, пронајдени се 11 лица мигранти од Сирија, од кои четири малолетници.
Имено, претходно, тој бил забележан на регионален пат Демир Капија-Неготино, кај с.Тремник, но не застанал со возилото на даден знак од полициски службеник и се обидел да побегне, но набргу бил фатен и лишен од слобода.
А.Г. бил задржан во полициска станица, возилото било одземено, а мигрантите биле сместени во прифатно-транзитен центар. По целосно документирање на случајот, во координација со јавен обвинител, против него ќе биде поднесена соодветна пријава.
Делото што го строил А.Г. е казниво според Кривичен законик на РСМ и според член 418-б му се запретува казна од пет години затвор за нелегален превоз на мигранти, односно најмалку осум години затвор за превоз на мигранти малолетници.
