По кусо боледување синоќа починал легендарниот македонски кларинетист и саксофонист, Ферус Мустафов. Ферус имаше мозочен удар на 26 април и од тогаш беше во болницата „8 Септември“.
На социјалните мрежи, пријателите и членови на семејството веќе почнаа да се простуваат од легендата на ромската песна.
Мустафов е роден на 20 декември 1950 година во Штип во ромско семејство на музичари. Тој имаше богата кариера со голем број настапи низ целиот свет и остави големо музичко наследство. Неговата професионална кариера започна на 17 годишна возраст, додека студирал виолина и кларинет во локална музичка академија.
Настапуваше во голем број земји во светот и снимил десетина албуми, главно со инструментални композиции.
Погребот ќе биде на гробиштата во неговиот роден град.
Нека почива во мир. Последен поздрав со неговиот „Ферусов чочек“.
Фановите, музичарите, актерите и пријателите на социјалните мрежи се простуваат од кралот на ромската музика, Ферус Мустафов кој почина ноќеска на 72-годишна возраст.
Минатата 2022 година на „Златна Буба Мара на популарноста“ доби плакета за животно дело:
Мустафов го нарекуваа Крал на ромската музика, музички габарит како ретко кој на овие простори.
Песната „Свири ми брате цигане“ каде Ферус свири, а пее Росана Сариќ Тодоровска беше прогласена за Песна на столетието.
