Меѓународен Славјански Универзитет ги објави резултатите од конкурсот за средношколски есеј и на истиот ученичка од СОУ „Јосиф Јосифовски” од Гевгелија ја освои ПРВАТА награда за НАЈДОБАР ЕСЕЈ на годината во конкуренција од 88 пристигнати трудови.
Првонаградена и носителка на ЗЛАТНА плакета е Илина Иванџикова од Стојаково, ученичка во СОУ „Јосиф Јосифовски”, Гевгелија која е автор на наградениот есеј „Во огледалото – слика за нас самите“.
Заедно со Златната плаќета таа станува добитник на еден таблет и подароци од организаторот на конкурсот Меѓународниот Славјански Универзитет.
Ментор на Илина е професорката Бисерка Макревска.
Останатите награди ги понесоа:
Тамара Стојанова – Втора награда, ученичка на СОУ „Богданци”, Богданци за есејот „Животни избори и последици“.
Таа се стекна со Сребрена плакета, сет за пишување, 5 книги и МСУ подароци.
Бојан Јакимовски – Трета награда, од СОУ „Ѓорче Петров”, Крива Паланка, автор на есејот „Changes in education create a better life“.
Бојан се стекна со Бронзена плакета, сет за пишување, 3 книги и МСУ подароци
Организаторот обезбеди Сертификати за учество на конкурсот на сите ментори на учесниците на конкурсот за најдобар есеј за средношколци.
За сите 88 ученици учесници на конкурсот (вклучувајќи и оние кои не победиле) МСУ обезбеди: Сертификат за учество на конкурсот, печатен примерок од изданието „Средношколски размислувања 7“ и МСУ подароци.
Комисијата која ги оценуваше пристигнатите трудови беше составена од 4 членови, и тоа: проф. д-р Соња Ризоска Јовановска, м-р Кирил Трајчев, проф. д-р Катерина Видова и Татјана Алексиќ.
Конкурсот имаше за цел да се отворат темите на „Средношколските размислувања“, за тоа како младите гледат на животот, перспективите и секако нивниот литературен книжевен израз.
Честитки до добитниците и нека продолжат да творат.
