Во утринската бурата која го зафати дојранско три лица со чамец биле одвлечени од брановите далеку од брегот во водите на Дојранското езеро. Екипи на Полициската станица на ГП и граничен надзор Стар Дојран и РЦ „Југ“ биле први на терен за пронаоѓање на одвеаниот чамец и трите патника во него.
Вака се одвивала драматиката:
Денес околу 8:30 часот на единствениот телефонски број за итни повици 112 во ЦУК, се јавило лице кое со уште две лица се наоѓало во чамец во Дојранското езеро кое било зафатено од силно невреме. Ветрот и брановите го оддалечувале чамецот далеку од брегот, кон внатрешноста на езерето. И покрај постојаните обиди трите лица не можеле да воспостават контрола врз чамецот и да се вратат назад на брегот на езерото.
Операторот на 112 ја лоцирал точната локација на која се наоѓал чамецот и веднаш ја препратил во Секторот за операции и координација на ЦУК. Оперативецот од СОК на ЦУК веднаш го известил СВР Струмица кој итно побарал помош од граничната полиција во Дојран (ПС за ГП и ГН Стар Дојран при РЦ за ГР Југ).
Тим на граничната полиција врз основа на координатите добиени од ЦУК ја лоцирал точната позицијата на чамецот кој бил однесен длабоко во немирните води на езерото, со глисер влегол во бурата и во една драматично спасување проследено со силен ветер и големи бранови, успеал неповредени да ги извлече трите лица кои се наоѓале во голема опасност.
Лицата со чамецот се изнесени на брегот на Дојранското езеро.
Фото: МВР – од денешната акција на Дојранско езеро
