Од денеска, 4 септември, започна распределбата на платежни картички за зелена нафта, на земјоделците кои аплицирале за субвенции за 2022 во ПЕ на МЗШВ во Гевгелија.
Право на користење на оваа мерка имаат 1.576 земјоделски стопанства од општините Гевгелија, Богданци и Дојран, општини за кои е надлежна за работа Подрачната единица на Министерството за земјоделство, шумарство и водостопанство од Гевгелија.
На територијата на цела држава ќе бидат доделени близу 49.000 платежни лартички со вкупна вредност од 275 милиони денари наменети за точење на дизел гориво за земјоделска механизација.
Сите земјоделски производители кои поднеле барање за субвенции за 2022 година потребно е да се јават лично со важечка лична карта во просториите на Подрачната единица на МЗШВ во Гевгелија, секој работен ден од 08:30 до 15:00 часот за да ги посигнат своите картички за зелена нафта.
Во зависност од големината на засадената површина и видот на културата, корисниците се стекнуваат со картичка за точење на дизел гориво на бензинските пумпи на „Макпетрол“ А.Д. со минимален износ пд 509 денари до максимален износ од 100.000 денари.
Користењето на подигнатите картички за зелена нафта е со рок до крај на Април 2024 година, известуваат од Подрачната единица на МЗШВ во Гевгелија. .
