Членовите на Советот на Општина Гевгелија од СДСМ по вчерашната одржана 30 седница на локалниот општински Совет одржаа Прес конференција на која ги изнесоа своите критики за односот на градоначалникот Сарамандов кон образованието.
Тие реагираат што во предвидените 16 точки на дневен ред 14 се однесуваат за донесување извештаи за работа на општинските училишта за минатата учебна година, програми за работа на училиштата за тековната учебна година (која е започната), програми за екскурзии на учениците за оваа учебна година.
Излагачот на Пресот, советничката Софија Раменчева истакна:
– „Андон Сарамандов со своите функционери- членови на Советот на Општина Гевгелија направија циркус, рушејќи го дигнитетот на советодавното тело на локалната самоуправа, не еднаш, не двапати, повеќе пати. Невиден преседан прават со времето на одржување седници и носењето одлуки и решенија, како за акти поврзани со останатите надлежности на Општина Гевгелија, така и за образованието.
Веќе е трет ден од почетокот на новата учебна година, а на денешната триесетта седница, Советот на Општина Гевгелија носи Годишни извештаи за работа во учебната 2022/2023 година, Годишни програми за работа во учебната 2023/2024 година и Годишни програми за ученички екскурзии во учебната 2023/2024 година. Ова е уште една од многуте потфрлања на Сарамандов и неговиот тим на полето образование, покажувајќи ни колку не им е грижа за образованието на децата во општина Гевгелија“.
Раманчева од името на советничката група на СДСМ посочи дека:
– „ДПМНЕ во Гевгелија по четврти пат одбива да прифати предлог поднесен од советничката група на СДСМ за доделување на еднократна парична помош за првачињата, жители на општина Гвгелија во висина од 3.000 денари, кое општината ќе ја чини 700.000 денари од Буџетот за 2023 година, што е два пати помалку од издвоените 1.300.000 денари одобрени за скопјани за организација на претстојниот циркус, „Фестивал на храна и вино“ во Гевгелија“ – беше истакнато на пресот.
