Златните девојки и момчиња, и сите носители на освоените 18 медали од турнирот „Абудаби Про Србија“, членовите на македонската репрезентација за бразилска џиу џица (Би-џеј-џеј) кои се закитија со 11 златни, 5 сребрени и 2 бронзени медали беше причина за посета во куќата на спортот, Агенцјата на млади и спорт во Скопје.
Македонските натпреварувачи се бореа во неколку младински и сениорска возрасна група, во конкуренција на над 300 натпреварувачи од 24 држави.
Најуспешен и секако најзабележителен беше настапот на 17-годишната Даниела Алексовска, која освои три златни медали, од нив два во конкуренција за возрасни. Во финалето ја совлада противничката од Обединети Арапски Емирати, која е 16-та на светската ранг-листа и втора во Азија.
Златни медали освоија уште и Гораст Василевски (до 94 кг.), Марко Петровски (до 69 кг.), Стефан Пецевски (до 85 кг.), Ева Илиевска (до 95 кг.) во сениорска категорија, како и Тони Блажевски, Марко Трајковски, Антонио Трајковски и Петар Џатевски во различни возрасни категории до 18 години.
Меѓу 24 репрезентации, Македонија го освои третото место на поени, зад Србија и Босна и Херцеговина, додека во конкуренција на клубови, „Д Стронгест“ заврши на второто место, а Енсо џиу џицу осмото, од 32 пријавени клубови.
Сите медалисти на Македонија
ЗЛАТЕН МЕДАЛ
1. Даниела Алексовска – (три златни медала) – има само 17 години успеа да слави во конкуренција над 18 години во категоријата до 55 килограми, кафеави и црни појаси. Алексовска славеше и во категоријата до 63 килограми под 18 години, како и во категоријата до 55 килограми, виолетови појаси без кимоно.:
2. Тони Блажевски, во категорија -50кг до 14 години зелени и портокалови појаси (златен медал)
3. Марко Трајановски, 84кг -15 години зелени и портокалови појаси (златен медал)
4. Антонио Трајковски, бели појаси -8 години -30 кг (златен медал)
5. Петар Џатевски, бели појаси -8 години -26кг (златен медал)
6. Гораст Василевски, виолетови појаси +18 години -94кг (златен медал)
7. Марко Петровски, +18 години -69кг сини појаси без кимоно (златен медал)
8. Стефан Пецевски, +18 години -85кг црни појаси без кимоно (златен медал)
9. Ева Илиевска, +18 години без кимоно виолетови појаси -95кг (златен медал) и (сребрен медал) со кимоно
СРЕБРЕН МЕДАЛ
10. Давор Метовиќ, (2 сребрени медали) во категории со и без кимоно -62кг +18 години бели појаси
11. Леонид Димовски, (сребрен медал) до 10 години – 27кг
12. Андреј Марков, (сребрен медал) сини појаси +18 години -77кг без кимоно
БРОНЗЕН МЕДАЛ
13. Иван Милошев, (бронзен медал) сини појаси +18години -85кг
14. Анџела Стамкова, (бронзен медал) -52кг -15 години зелени и портокалови појаси.
