Гевгелискиот хуморист, сатиричар, комичар Дејан Малзарков веќе извесно време, од минатата година и тековната, ги полни салите на југот со љубители на хуморот и реалната смеа од животот.
Деновиве по трет пат ја наполни салата „Ацо Шопов“ во Штип, каде ги насмеа до солзи тамошните граѓани. Дејан веќе има гостувано во Штип со Sit Down Comedy “МИТИНГ”, а пред десетина дена се претстави и со комичната поставка „Училиница“.
Во септември годинава Дејан гостуваше и во Радовиш.
Автори на текствовите се самиот Дејан Малзарков и Димитар Новаков.
Ликовите на Чик Ване, Џоче … Дејан најпрво ги оживеа на социјалните мрежи, за да почувствува огромна прифатеност од интернет публиката. Сценскиот и хумористичен потенцијал на Дејан не застана овде. Почувствува поврзаност со публиката и храброст сценски да се соочи со неа во живо. Премиерното деби беше во Спортската сала „26 април“ во Гевгелија минатата година, следуваше настап во Струмица, настап пред кавадарчани во спортската сала „Јасмин“ во Кавадарци, а ја наполни и големата фестивалска сала на Домот на Културата “25 Мај” во Валандово.
Во Валандово привлече публика колку 20-30 музички изведувачи колку што секоја година настапуваат на традиционалниот фестивал „Фолк-Фест Валандово“.
Со својата Sit Down Comedy “МИТИНГ” и ликовите на „Чик Ване”, „Пецко” и „Џоче” испраќа пошироки општествени пораки, отвори дилеми и ги расположува присутните граѓани.
Гевгелија градот на песната и ведрите луѓе, градот на првиот самоук хаваист кој изведе над 8.000 бесплатни концерти низ Европа и светот, ете го има и првиот хуморист без диплома од Академијата на драмски уметности кој сам ги освојува сцените и публиката еднакво моќно како и професионалците со својот вроден талент и умешност за сценска изведба.
Браво Дејане – наше момче, од Југот!
Видео: „Газди-лордови-богови и остали пациенти“
Фото – насловна: Димитар Новаков
