За една недела нова „жетва“ на медали на младиот тим каратисти од КК „Дојран“, по минатонеделниот успех во Романија.
Тие вчера, на одржаниот 40-ти јубилеен Меѓународен меморијален карате турнир „Никола Грдановски-Нике“ освоија вкупно шест медали.
Тимот се закити екипно со СРЕБРЕН медал за освоено ВТОРО место на турнирот во конкуренција од 500 учесници. Секој каратист од тројцата учесници од КК „Дојран“ доби медал за освоено второ место екипно.
Во поединечна конкуренција секој од каратистите од КК „Дојран“ се избори за медал и тоа:
1. РУЖИЦА ДИНЕВА – СРЕБРО, освоено второ место во категорија „кумите“, на возраст од 12 години;
2. ТИНА УПЧЕВА – БРОНЗА – трето место категорија „кумите 8-9“ (возраст 2015/2014)
3. ХРИСТИЈАН КРЕЧЕВ – БРОНЗА – категорија „ката 8-9“.
На турнирот настапија покрај клубови од Македонија и карате-клубови од околните земји, односно од Црна Гора, Србија, Бугарија, Албанија, Грција и од Косово.
Спортскиот настан беше во организација на еден од најтрофејните карате-клубови во Македонија, „Металург“, кој годинава слави 54 години од своето формирање, а се одржа во спортската сала „Методи Андонов-Ченто“, во дворот на ОУ „Наум Наумовски-Борче“ во скопската населба Маџари.
Карате клубот од Дојран е стар само година и седум месеци и за овој период младите каратисти активно тренираат, настапуваат, победуваат. Сето тоа доаѓа со упорните тренинзи и заложбите на нивниот тренер Лилјана Упчева, инаку 12 кратен Државен првак на Македонија и репрезентативка во карате за Македонија.
Честитки за успесите. Ќе слушаме уште добри вести за победи и медали на овие посветени деца во спортот, кои научиле трудот и наученото на тренинг бстрашно да го покажат и применат на боречкиот тепих.
СРЕЌНО!
