Познати конечните резултати на Првиот меѓународен карате турнир во Дојран „Dojran Open 2023“, што се одржа минатиот викен во Спортскиот центар „Истатов“ во Нов Дојран,
Севкупни победници на турнирот е тимот на КК „Сансаи“ од Кавадарци кои настапија со 50 натпреварувачи и освоија најмногу медали екипно и поединечно. Освен пехарите и медалите клубот доби и специјална награда за „Најдобар клуб на турнирот“ „Dojran Open 2023“.
Второто место севкупно во сите категории и дисциплини, според бројот на освоени награди му припадна на КК „Бонсаи“ од Прилеп, а третото на Карате клубот „Фигуесе“ од Косово.
На турнирот учествуваа 47 карате тимови од девет земји од регионот: Грција, Србија, Албанија, Бугарија, Косово, Црна Гора, Босна и Херцеговина, Романија и Македонија и над 400 каратисти-натпреварувачи.
Меѓу натпреварувачите беше и домаќинскиот тим КК „Дојран“ од Дојран. Тие покажаа солидни борби и знаења иако зад себе имаат само 20 месеци функционирање на клубот, некои членови со едноипол годишен тренинг, а некои само со тримесечен тренинг. Сепак резултатот е задоволителен. Со 20 учесници каратисти од КК „Дојран“ освоени се 23 медали и два пехара.
Турнирот е официјално поддржан и помогнат од Карате федерацијата на Македонија, која го обезбеди комплетниот судијски тим од 21 член лиценцирани карате судии, предводени од Врховниот судија и Селектор на Карате Федерацијата на Македонија Благој Атанасов.
Од КФМ оценуваат дека ова е прв карате турнир на југот на Македонија и поради одличната организација, одзивот за учество на девет земји од регионот, опфатеност на сите категории за борба, кумите и генерации (деца, јуниори, сениори), и одличната поддршка од општината, очекуваат турнирот да прерасне во традиционален.
Ова оценка е на задоволство на спортистите, спортската публика која е желна за новини, да ужива во спортските настапи и секако и во правец на развој на спортскиот туризам во Дојран.
Турнирот „Dojran Open 2023“ ги остави простум над 1000 спортисти и спортска публика во СЦ „Истатов“ во моментот кога се интонираше Македонската химна свртени сите кон знамињата на земјите учеснички на турнирот и нашето домаќинско, Македонско.
Вака Дојран направи сите да го слават спортот и заедништвото!
Честитки за учесниците, победниците, организаторите!
