Почетоците му беа во младинските категории на клубот, за во 2007 година да стане дел од првиот тим на „Кожуф“. Ќе игра три сезони во Кожуф, притоа во првата сезона (2007/08), Сулев со „Кожуф“ станува шампион на Трета македонска лига – југ. Во следната сезона Сулев е дел од тимот на „Кожуф“, што ќе игра во Втората македонска лига.
Неговите добри игри ќе бидат забележани од прволигашот, „Хоризонт“ од Турново,кој во летото 2010 година ќе го донесе во своите редови. Во август 2010 година, на своја 21 година, дебитира во Првата македонска лига, против тогашниот шампион, „Ренова“. Во сезоната, 2010/11 година со Турново го освојува 6-тото место. Со овој клуб ќе одигра две сезони во Првата македонска лига, каде ќе игра во тимот покрај: Димовски, Ташев, Милушев, Митрев, Петров, П. Стојанов, Ал. Стојанов, Ц. Чурлинов, Д. Георгиев,…
Летото 2012 година, преминува во ФК „Миравци“ (кој од 2014 година е преименуван во „Кожуф“), каде ќе остане се до 2015 година и сите три години ќе игра во Втората македонска лига. Во последните две сезони во овој тим игра на 55 натпревари.
Летото 2015 година преминува во „Беласица“. Во сезоната 2016/17, на 24 натпревари постигнува 8 гола и помага Беласица да стане шампион на Третата македонска лига-исток. Во оваа сезона е четврти стрелец, зад Б. Мариќ со 38, М. Костовски со 28 и К. Аломеровиќ со 15 гола.
Во сезоната 2017/18 е шампион на Втората македонска лига -исток, а Сулев на 24 натпревари постигнува 3 гола. Во 2018 година со тимот на „Беласица“ повторно се натпреварува во Првата македонска лига. Приот противник на струмичкиот тим беше „Победа“ од Прилеп.
Сулев одигрува 28 натпревари во оваа сезона, а со Беласица стигнува до полуфиналето на купот. Во сезоната, 2019/20, Беласица во скратената сезона станува шампион во Втората македонска лига и пак се враќа во елитата, а Сулев одигрува 14 натпревари.
Во сезоната,2020/21, во Првата македонска лига, Сулев ќе одигра 28 натпревари и постигне два гола против „Борец“ од Велес и „Академија Пандев“, но Беласица испаѓа. ФК „Беласица“ во сезоната 2021/22, се изборува за бараж со Скопје, а Сулев оваа сезона постигнува 5 гола. Во минатата есенска 2023 полусезона, Сулев на 14 натпревари, постигнува 3 гола.
– „Сулев со 199 натпревари е втор по број на првенствени настапи за „Беласица“, од играчите што не се од Струмица, веднаш зад Горан Стојановски со 220 настапи“ – вака го опишуваат својот вреден фудбалер од матичниот клуб „Беласица“ 1956-2006 од Струмица, клуб со 66 годишна фудбалска историја.
Гевгеличанецот Сулев е еден од симболите на денешна „Беласица“, кој игра во везниот ред на Беласица веќе 9-та сезона по ред. Досега има одиграно 199 првенствени натпревари (со куп натпревари и баражи има 215 официјални натпревари за Беласица) и постигнато 22 гола.
Гевгелиско спортско име кое реди успеси на фудбалските терени, а почетоците му беа од младинските редови на „Кожуф“, па турнирите на „ТИХО“ се’ до Прва Македонска фудбалска лига, која три пати ја „везе“ со постигнати голови – Сулев Стефан 34 годишен спортист од Гевгелија.
Извор: FK Belasica 1956-2006
