Планинарскиот спортски клуб „Двете уши“ од Гевгелија заврши и со уште еден фото-конкурс за доловување на убавините на планината Кожуф во сите сезонски времиња.
Последно одржаниот беше со тема „Кожуф во есен“ и на истиот учествуваа девет фотографии од различни автори.
Фото записот на Петар Пубреклиев доби најмногу гласови (лајкови) од фејсбук фановите на „Двете уши“ за време на отворената постапка за гласање од 4 до 19 јануари. Авторот на наградената фотографија се стекна со награда – вредносен ваучер за спортска опрема во вредност од 3.000 денари.
„Есенско огледало на Кожуф“ ја нарековме наградената фотографија на Петар Пубреклиев од конкурсот на ПСК „Двете уши“ Гевгелија со кој престојот во природа го претвара и во уметничко уживање
Погледнете ги останатите фотографии од доловената убавина на нашата планина Кожуф:
Честитки за сите успешни фотографии од нашата планинска убавица Кожуф облечена во есенските бои на раскош.
