Нова бркотница по возило во кое нелегално се превезувале мигранти, пронајдени се седум мигранти од Сиријса, Египет; Непал и Палестина. Македонија е транзитна рута за мигрантите, а Гевгелија незаобиколна точка за нелегалните транспортери на илегалните мигранти низ земјава. Сепак, полициските службеници на РЦ „Југ“ синоќа биле на ниво на својата задача.
На 23.01.2024 околу 20:00 часот во близина на с.Мрзенци, гевгелиско, полициски службеници од Полициската станица за гранични проверки и граничен надзор Богородица при Регионалниот центар за гранични работи „Југ“ го лишиле од слобода М.К.(21) од Скопје поради сомнение за сторено кривично дело „криумчарење мигранти“ по член 418 од Кривичниот законик.
Претходно, кај с.Негорци, гевгелиско, полициски службеници дале знак за запирање на патничко возило „Фолксваген Пасат“ кое M.K. го управувал, но тој продолжил со движење и во близина на Негорци го запрел возилото и се обидел да побегне, по што бил фатен и лишен од слобода.
При преглед во возилото биле пронајдени седум лица мигранти, од кои четири од Сирија, еден од Непал, еден од Египет и еден од Палестина.
Лицето било задржано во полициска станица, а мигрантите биле пренесени во Прифатно-транзитен центар во Гевгелија. По целосно документирање на случајот, во координација со јавен обвинител , против него ќе биде поднесена соодветна пријава.
Според горе посочениот член по кој го терети МВР и ќе биде поднесена соодветна пријава согласно член 418 од КЗ („Глава: „Криумчарење мигранти“) на лицето му се запретува казна затвор од 5 до 8 години.
