Најбројната трка сезонава на меѓународно ниво, која годинава се одржува по јубилеен 5-ти пат „Кaterini Run 2024“ однесе 30-на атлетичари од АК „7-ми Ноември“ од Гевгелија на спортско докажување на своите можности.
Не само што беа добри, туку гевгелиските атлетичари беа и најбројни со учесници на меѓународниот спортски митинг неделава во грчкиот град Катерини, поради што ја понесоа и Специјалната награда за Атлетски тим со најбројно учество на спортски натпреварувачи.
Гевгеличани не останаа само на бројките, освоија и два подиума, понесоа и два пехара:
– ТРЕТО место во женска конкуренција освои МАРИЈА ПЕЛИКОН со време од 1:40:18 за полумаратонската трка од 21,1 километар.
– ТРЕТО место во генерален пласман освои МАКСИМ АНГОВ (10 год.) во детската трка на 1 километар.
Од гевгелиските учесници во машка конкуренција најзабележителен резултат постигна ДАРКО ПРОШЕВ со време од 1:45:04 час во полумаратонската трка од 21,1 км.
Следуваа со резултатите:
– Арнаудов Кимо (1:46:28),
– Арнаудов Дарко ( 1:53.20),
– Темелковски Благојче ( 1:58:59),
– Ристов Драган (1:59:44),
– Арнаудов Ангел (2:11:46) и
– Петков Живко (2:24:11), истрчано време на трасата за полумаратон од 21,1,км.
Во трката од 5 километри настапија 15 атлетичари од Гевгелија, а постигнатото време беше по следниот редослед:
– Најдобар на трасата со време од 19:20 постигна АНЧЕВ ТОДОР и се пласира во ТОП 10 со постигнатото време на трасата, односно освои 8-то место на 5км трка.
Следните кои настапија на трката од 5км се: Михајловски Валентин (20:42), Нанчев Никола (24:25), Узунов Борче (25:29), Граматиков Теодор ( 27:26), Мичев Никола (28.24), Толов Александар (31.22), Костадинов Николчо (31.50), Чучанов Ѓорге (32.00), Шаренкова Ангела (33.04), Ангов Димитар (33.05), Пешиќ Бобан (32.37), Мичева Викторија (37.54), Петкова Борјана (47.23) и Петкова Александра ( 47.27).
Прекрасниот сончев ден го уживаше голем број на спортска публика, а тркачките стази ги запоседнаа атлетичари од седум светски држави.
Учесници беа атлетичари од Пакистан, Украина, Русија, Македонија, САД, Италија и од земјата домаќин Грција.
Организатор на спортскиот настан кој изобилуваше со младост, спортска сила, стремеж за победа и тимски пријателства беше Атлетскиот клуб „ЗЕВС“ од од Катерини кој е клубски побратим со АК „7-ми Ноември“ од Гевгелија.
Гевгелиските тркачи ја претставуваа Македонија, Гевгелија и нашата спортска сила.
Честитки до сите учесници кои придонесоа Гевгелија да стане добитник на специјалната награда за најброен тимски учесник, честитки за освојувачите на медали. Честитки за успешниот почеток на меѓународната спортска сезона на атлтичарите од Гевгелија!
