– „Со СДСМ пензионерите секогаш може да очекуваат партнерски однос. Тоа беше мојата порака до пензионерите од Гевгелија со кои се сретнав денеска. Правиме сѐ за по пензионирањето, секој да ужива во плодовите од својот работен век и од вложениот труд. А сработеното има видлив резултат“ – истакна денеска екс премиерот Димитар Ковачевски и лидер на СДСМ на работна средба со пензионерите во Гевгелија.
Со новата методологија на пресметка на пезниите, која Владата предводена од СДСМ ја сработи заедно со пензионерите, пензионерите добиваат во просек 6.000 денари повеќе. Просечната пензија денес изнесува 20.195 денари што е за 6.400 денари повеќе во однос на 2016 година кога просечната пензија изнесувала нешто над 200 евра. Минималната пензија воедно, денес е за речиси 50% повисока од пензијата во 2016 година.
Пензионерите беа опфатени и во пакетите со антикризни мерки , каде само во последниот 9-ти пакет, се издвоија 35 милиони евра за поддршка на 187.000 пензионери со што пензионерите добиваат од 1.500-3.000 денари месечно финансиска поддршка со цел полесно да ја пребродат зимата и кризата.
Ковачевски нагласи дека со новата програма за изборите на СДСМ предвидени се повеќе мерки со кои ќе се обезбеди подобар животен стандард и достоинствена старот на пензионерите. Тој нагласи дека интенција им е како партија да донесат Закон за минимална пензија која ќе овозможи достоинствени пензионерски денови.
На средбата беше и заменик министерката на Министерството за труд и социјала која ги истакна напорите на Владата предводена од СДСМ за донесување на социјална пензија која е воведена од 2022 година и истата изнесува 8.000 денари. Оваа социјална пензија ја примаат лица кои навршиле 65 години старост, а не оствариле ниту еден услов за пензија. Средствата се исплаќаат од МТСП за да не се оптеретува пензискиот фонд.
Пензионерите имаа прашање до гостите за „семејната пензија“, за партиципацијата за болничко лекување на пензионерите, за истечените лични документи и можноста да го остварат своето гласачко право.
Ковачевски истакна дека сегашната техничка Влада донесе измени на Законот за лични документи кои утре треба да одат на потвдрување во Собранието на Македонија и граѓаните со сегашниот важечки пасош или лична карта која нема ознаки „Северна Република Македонија“ ќе можат да гласаат на претстојните избори.
Koвачевски имаше и непосредни средби и разговори со гевгелиските пензионери.
