Гевгелискиот тенисер изминатите десет дена беше дел од репрезентативниот тим на Македонија кој учествуваше на тренинг кампот на „Tennis Europe“ што се одржа во Анталија, Турција и овде се заќити со ЗЛАТЕН Медал за освоено ПРВО место во тениски двојки-машки во категорија до 14 години.
Александар играше дубл со Марко Алексовски од Скопје. Денеска им беа врачени медалите на свечена церемонија од завршницата на тренинг-камп-купот во организација на ИТФ и Тенис Европа.
Гевгелискиот тенисер Грујиќ учествуваше и на два поединечни тениски купа за младинци до 14 години. Александар Грујиќ на вториот турнир стигна до полуфиналето, каде загуби од победникот Керем Генц од Турција, додека на првиот турнир заврши на 9.то место.
Се’ на се’ ова беше успешен настап за гевгелискиот тенисер, член на Тенискиот клуб „Круна“ од Гевгелија и носител на титулата државен јуниорски првак на Македонија.
Заедно со Грујиќ во Анталија беше шестчлен тим на млади тенисери од Македонија. Се’ вкупно „собраа“ 7 медали од турнирите во Турција.
Воедно ова беше убава можност за размена на искуства и на тренерите на националните тимови во млади категории, особено што секојднево имаше и голем број на мечеви на повеќе терени.
Мечевите се играа во конкуренција на тенисери и тенисерки до 14 години – два турнира и еден турнир за тенисери и тенисерки до 12 години.
Македонија имаше учесници во шест финални мечеви, а во два македонските тенисери се радуваа и на победите.
- „Можеше да биде и подобро, но сепак поминавме мноу дбро, во добро друштво со останатите играччи од другите држави. Се надевам дека следниот пат мојот пласман ќе биде подобар, а за тоа ќе дадам се’ од себе“ – изјави Александар за GevgelijaNet.com.
Kои беа пласманите на останатите учесници од Македонија:
Андреј Темов триумфираше на турнирот до 12 години, а македонскиот дубл Марко Алексовски и Александар Грујиќ победија на првиот од двата турнира во конкуренција на двојки за тенисери до 14 години. Сара Митевска одигра две финалиња на двата турнира (до 14 години) во поединечна конкуренција, а заедно со Анастасија Арсовска во двојки на вториот турнир играа финале, а на првиот беа полуфиналистки. Финале во двојки играше и Деа Крстевска на турнирот до 12 години заедно со Сара Трипиќ од Босна и Херцеговина.
Марко Алексовски во поединечна конкуренција имаше два пораза во четвртфиналето (во двата случаеви загуби од финалистите) и на крајот заврши со ранг на 5.место и на 6.то место. Александар Грујиќ на вториот турнир стигна до полуфиналето, каде загуби од победникот Керем Генц од Турција, додека на првиот турнир заврши на 9.то место. Арсовска на двата турнира беше елиминирана во второто коло во поединечна конкуренција, но во двојки имаше полуфинале и финале.
Домаќинот од Турската тениска федерација по 13-ти последователен пат, од одржувањето на овој престижен натпревар, ги пречека учесниците од 10 нации од „Тиер 1“ на отворањетово понеделникот 4 март, вклучувајќи ги Албанија, Ерменија, Азербејџан, Босна и Херцеговина, Грузија, Косово, Црна Гора, Северна Македонија, Молдавија и Турција.
Примарната цел на турнирот е да се обезбеди меѓународно искуство во Јуниорската турнеја на играчите од помалку развиените нации во тенис, со сите трошоци покриени од ИТФ и Тенис Европа.
