Активниот дентален туризам на посетители од јужното соседство на Гевгелија го разви денталниот бизнис кај нас, кој пак од своја страна најавува потреби од соодветни технички профили.
За таа цел, од учебната 2024/2025 година СОУ „Јосиф Јосифовски“ од Гевгелија отвора нови образовни профили за учениците што ќе се запишуваат во прва година. Тоа се:
1. ЗАБЕН ТЕХНИЧАР и
2. ФАРМАЦЕВТСКИ ТЕХНИЧАР.
Потребата од овие нови образовни профили доаѓа по направените контакти и соработки со сите чинители во Општона Гевгелија и пазарот на трудот.
Учениците од профилот Забен техничар низ четиригодишно образование ќе се стекнат со знаења по општо-образовните и стручните предмети и практични умеења и вештини за изработка на: тотални и парцијални акрилатни протези, скелетирани парцијални протези, едноделно леани протетички конструкции фасетирани со синтетски маси, инлеи, онлеи и леани надградби, соло коронки од метал керамика (естетски коронки), се грижи за правилно чување и одржување на апаратите и инструментите, администрирање, евидентирање и документирање на работни налози и материјали.
Низ четиригодишно образование учениците од профилот фармацевтски техничар се стекнуваат со знаења по општообразовните, стручните предмети и практични умеења и вештини. По завршувањето на училиштето ученикот има можност да работи како фармацевтски техничар во аптека, болничка аптека, во одредени оддели во болница, лабораторија или да го продолжи своето образование на фарацевтскиот факултет или медицинските факултети.
И за двата образовни профила според планот и програмите предвидена е практична настава во училиштето, но и во посочените сектори со кој училиштето ќе склучи меморандуми за соработка.
Освен овие два образовни профила во учебната 2024/2025 година во СОУ „Јосиф Јосифовкси“ учениците-полуматуранти ќе може да се запишуваат и во следните образовни профили:
1. Гимназиско образование – 68 ученика во 2 паралеки
– 68 учника, во 2 паралелки – билингвистичка
2. Угостителско туристичка струка – 50 ученика во 2 паралелки
3. Машинска струка – 50 ученика, 2 паралелки
4. Електро-правна и трговска струка – 25 ученика, 1 паралелка
5. Здравствена струка – 25 ученика, 1 паралелка (забен техничар/ фармацевтски техничар во соработка со компании)
Вкупниот број на нови ученички места во СОУ „Ј.Јосифовски“ Гевгелија е 286 во сите пет наставно-образовни профили.
