Женскиот тим во ракомет на СОУ „Јосиф Јосифовски“ од Гевгелија вчера учествуваше на регионален натпревар по ракомет што го организира Федерацијата на училишен спорт на Македонија и овде убедливо со две победи го освои заслуженото прво место.
Со ПРВОТО место на регионален натпревар женскиот тим на гевгелиското средно училиште се пласира за учество да настапи на Државниот натпревар меѓу средните училишта во Македонија.
До ова свое остварување ученичките од „Ј.Јосифовски“ најпрво го победија тимот на СОУ,,Богданци“ од Богданци, на зонски натпревар што се одржа есента, во првото полугодие од учебната 2023/24, а вчера во Велес остварија победи над женскиот тим на СОУ „Јане Сандански“ од Штип (резултат 15:14 ) и победа над СОУ „Методи Митевски- Брицо“ од Делчево (резултат 16:10).
Заслужни за ова спортско остварување се ученичките:
Ступар Благица (капитен на тимот, инаку ученичка од Втора година), потоа Динева Симона, Басова Бојана, Кадиева Билјана, Панова Цветанка, Тасевска Елена, Кирова Ружица, Кирова Снежана, Ангелова Елена, Капсарова Нена, Капсарова Никол, Стефанова Теа и Тимчева Даниела, сите ученички на СОУ „Јосиф Јосифовски“ – Гевгелија.
Заслужна за формирањето на ваквиот победнички тим кој „ги меле“ сите противници на ракометниот терен за средношколки е и професорката по физичко образование Јулија Беќарова.
– „Следно играме на 10-ти Мај во Струга, на Државен натпревар на училишни спортови во ракомет“ – гордо ни’ изјави капитенот на женската средношколска екипа од Гевгелија, Благица Ступар.
Честитки за НАЈНОВИТЕ ПОБЕДНИЦИ од Гевгелија!
Браво и газете самоуверено во нови успеси и понатаму!
За крај, еден спортски поздрав од победничките до сите кои се радуваат на нивниот успех – вака одеа во победи, со овој поздрав ги запечатуваа ПОБЕДИТЕ!
