Спортските изненадувања за викендов продолжуваат – ВЛАТКО СЕМЕНАКОВ од Гевгелија, член на АК „7ми Ноември“ денеска на трката од 5 километри на Солунскиот маратон освои прво место во категоријана трасата од 5 километри, а 21 пласман во севкупна конкуренција од 5736 натпреварувачи на спортскиот настан во Солун, Грција.
Времето што го постигна Влатко беше 18 минути и 39 секунди и покажа извонредна спремност на оваа тркачка траса од големиот „Aleksandar the Great Maraton“ маратон.
Ова е завидно постигнување за спремниот атлетичар од Гевгелија, кој што минатата година постигна најдобар резултат од гевгелиските спортисти на Ултра маратонот што се одржа на терените од Негорски Бањи кај Гевгелија.
На Солунскиот маратон настапија и други атлетичари од Гевгелија. На трката од 5 км истрчаа: Ристо Котев, Бобан Пешиќ, Горан Јованов, Цона Старделова, Теодор Граматиков, Петар Лешев, Марија Атанасова, Никола Беќиров, Никифор Џалев, Петранка Никова, Влатко Димов, Проше Митовски, Ана Старделова, Наташа Демирџиева, Андон Дучков, Ангела Шаренкова, Димитар Ангов, Марина Митрова, Иван Митров, Надица Несторова и Тања Несторова, сите членови на гевгелискиот атлетски клуб.
Oва е трасата од 5 км.
Гевгелиската атлетска сила не остана без свои претставници ниту на другите дисциплини, на 10 километри и маратонот со целата траса од 42,2 километри.
Стазата од 10 км ја истрча Дучков Андон, а целата маратонска траса од историската Пела до Солун во должина од 42,2 км ја истрча Јованов Горан.
Честитки за успешниот настап на сите гевгелиски атлетичари и за носителот на златен медал, Влатко Семенаков.
