Децата атлетичари од АК „7ми Ноември“ Гевгелија освоија два подиума и две први места на „Трка на поезијата“ во Струга.
Ана Бегова освои ПРВО место во категорија, трка за деца од 8 до 9 години истрчувајќи најдобро време на трасата која се движеше покрај брегот на Црн Дрим во Струга.
Антонио Каракабаков освои ПРВО место на трка за деца во категорија од 12 до 13 години.
На детската трка учествуваа и Матеа Танова која освои 4-то место во категорија девојчиња д 6 до 7 години, како и Живко Костадинов (категорија до 10-11 години). Сите четворица се членови на школата на атлетика при АК „7 Ноември“ Гевгелија под раководство на тренерите Тодор Анчев и Влатко Семенаков.
Годинашнава четврта по ред градска трка во Струга „Poetry run 2024“ привлече бројни алетичари од држвата и странски земји. Од гевгелискиот атлетски клуб учествуваа: Никола Ковачев, Ристо Котев и Теодор Граматиков на градска трка од 5 километри. Овде од гевгелиските учесници најдобро време оствари Никола Ковачев кој стаса 25-и на целта од 375 учесници на трката со време од 22:45 минути.
На трката од 10 километри настапија: Драган Ристов, Борче Узунов, Никола Костадинов, Никола Мичев, Орце Цветков, Димитар Андреев и Живко Петков.
Најдобро време на трката од 10 км од гевгелиските учесници постигна Борче Узунов, (45:55 мин.) и пристигна 37-ми на целта од вкупно 243 учесници.
Прв на целта на трката од 10 км беше најдобриот македонски атлетичар кој исполни Олимписка норма, првакот од „November Run 2022 и 2023“ во Гевгелија, Дарио Ивановски член на AK „Скопски маратон“ со истрчано време од 00:30:35 минути.
- „Повторно Атлетскиот клуб од Гевгелија ги има победниците во детската трка во Струга на „Поетската трка 2024“. Минатата година тоа беше Максим Ангов, четвртоодделенец, но годинава поради свои обврски, училишни екскурзии овој наш млад атлетичар, член на АК „7 Номеври’ не дојде, не можеше да учествува. Медалите ќе ги надокнади на некоја друга трка, во некоја друга конкуренција“ – изјавија од Гевгелискиот атлетски клуб.
Честитки за сите 14 учесници од Гевгелија, Честитки за освојувачите на подуиум и медали за ПРВО место на „Poetry Run 2024“ во Струга!
