Во конкуренција помеѓу основните училишта во државата на вчера одржаното Државн првенство во тенис, гевгелискиот ученик Александар Груиќ го освои ПРВОТО место.
До трофејот и златниот медал Александар стаса со три победи во дуел со своите противници, сите три со резултат 2 – 0, без да изгуби ниту еден сет. Резултатот покажува дека ги збришал на терент сите до еден. Првиот дуел го победил со резултат 4-0 , 4-0 во сетови, вториот 4-0 4-1 и третиот финален натпревар покажал повторно целосна доминација со рекетот и теренот постигнувајќи резултат 4-0 4-0.
Така, Гевгелија го доби Државниот првак во тенис помеѓу основните училишта – Тоа е Александар Груиќ, осмоодделенец од ООУ „Владо Кантарџиев“ од Гевгелија. Ментор на овој тениски талент од Гевгелија е наставникот Цеветан Нелоски.
![](https://gevgelijanet.com/wp-content/uploads/2024/06/AG-Medal-750x414.jpg)
![](https://gevgelijanet.com/wp-content/uploads/2024/06/AG-1-2-3.jpg)
![](https://gevgelijanet.com/wp-content/uploads/2024/06/A-Gruic-2-360x504.jpg)
Државното првенство се одржа вчера, 30 мај, во организација на Федерацијата на училишни спортови на Македонија, во домаќинска улога на ОСУС Кавадарци, на терените на тенискиот клуб на „Црна Река“.
![](https://gevgelijanet.com/wp-content/uploads/2024/06/AG-123-750x375.jpg)
Скромен на зборови, но фокусиран на тенискиот рекет и топчето, Александар годинава освои четири подиуми: ПРВО место на Меѓународен трунир во Турција во двојки, ПРВО место во натпревар двојки и ВТОРО место во натпреварите од сингл категорија на годинашното Државно првенство во тенис за јуниори, ПРВО место на Државен натпревар во училишна конкуренција за 2024. Тој е моментално на 129-то позиција на Европската младинска листа на тенисери, „Tenis Europe“.
Александар Груиќ од Гевгелија и Марко Алексовски (МК) триумфираа на турнирот во Анталија
Aлександар Груиќ oд Гевгелија освои ЗЛАТО и СРЕБРО на Државното првенство во тенис 2024
Со ваквата жетва за почетокот од годината, Александар сигурно ќе атакува за трофеи и од други првенства на кои е спремен да учествува.
Еве ги сите денешни освојувачи на подиум на Државното првенство во тенис за ученици од основните училишта во Македонија, по категории:
Категорија 6-то и 7-мо девојчиња:
1.Надица Блажевска ООУ Гоце Делчев-Кавадарци
2.Андреа Цветкоска ООУ Кире Гавриловски Јане-Прилеп
3.Кристина Танеска ООУ Кочо Рацин-Прилеп
3.Тијана Костадиноска ООУ Климент Охридски-Прилеп
Категорија 6-то и 7-мо момчиња:
1.Селим Јилдис ООУ Јаха Кемал-Скопје
2.Дамјан Стефанов ООУ Лазо Ангеловски-Скопје
3.Георги Илин Николоски ООУ Кире Гавриловски-Прилеп
3.Георги Донев ООУ „Борис Трајковски“ -Моноспитово, Струмица
Категорија 8-мо и 9то девојчиња:
1.Миа Спировска-ООУ „Партение Зографски“-Скопје
2.Лилиа Поцкова ООУ Блаже Конески-Велес
3.Анабела Костадиноска ООУ Св.Климент Охридски-Прилеп
3.Нина Манасиева ООУ Никола Карев-Кочани
Категорија 8-мо и 9-то момчиња:
1.Александар Груиќ ООУ „Владо Кантарџиев“-Гевгелија
2.Давид Јаќимовски ООУ „Д.А.Габерот“ – Кавадраци
3.Давид Ачкоски ООУ „Гоце Делчев“ – Прилеп
3.Борјан Ристевски ООУ „Климент Охридски“ – Битола
![](https://gevgelijanet.com/wp-content/uploads/2024/06/AG-3-750x422.jpg)
![](https://gevgelijanet.com/wp-content/uploads/2024/06/Tenis-1-750x422.jpg)