– „Мартина, чупе златно, мир да си најдиш“ – со овие зборови и се обраќаат на социјалните мрежи сограѓаните битолчани на починатата Мартина од Битола, 29 годишната девојка која вчера на пладне на автопатот во Грција на влезот во Солун загина во страотна сообраќајна несреќа.
Несреќата се случи вчера, петок, 21 јуни во 12 часот (локално време), на Автопатот „Егнатиа“, во Република Грција, во која за жал, М.Н. (1995), државјанка на Република Северна Македонија го изгуби животот.
Во истото возило со Мартина патувале уште три другарки кои се исто засегнати од хорор несреќата која ја доживеале наместо посакуваниот летен одмор каде што се упатиле во Грција. Сопатнички на починатата се А.К (родена 2000 година) и М.Р (2000), кои добиле тешки повреди и се хоспитализирани во Грција, како и И.Ј (родена 1999) која не е повредена.
Претставниците на Генералниот конзулат на Северна Македонија во Солун, кои од времето на настанатата трагедија беа во контакт со блиски на жртвата, остануваат на располагање за асистенција во врска со преносот на останките на починатата во земјата, информираат од МНР.
Жителите на Битола се простуваат на социјалните мрежи со Мартина, на другите сопатнички им посакуваат побрзо закрепнување.
Во несреќата има уште еден починат 73 годишен маж од Грција кој бил во другото возило, а во нив удрил и трето возило.
Медиумите во Грција ја пренесуваат оваа страотна снимка од несреќата на автопатот „Егнатиа“ во Грција.
Почивај во мир Мартина!
Ова нека биде предупредување до сите учесници во сообраќајот на внимателност во овој летен шпиц од автомобили и нестрпливи туристи кои брзаат за да стасат на разладување на грчките плажи. Се’ ќе се стигне, да не се брза пред вратите на Св.Петар!!!
Светол ти пат Мартина! Најди спокој во Вечноста!
