Страотна и трагична сообраќајна несреќа се случи синоќа во близина на ГП „Богородица“ во кои учесници се две тешки товарни возила со кои управувале млади возачи, жители на општина Богданци.
МВР јавува дека сообраќајката е евидентирана денеска (03.07.2024) во 00:30 часот во Полициската станица Гевгелија.
Било пријавено дека на автопатот од клучка Гевгелија кон Граничниот премин Богородица се случила сообраќајна несреќа помеѓу товарно возило „Ман“ со велешки регистарски ознаки, управувано од Б.Ј.(35) од с.Селемли, општина Богданци и товарно возило „Ивеко“ со гевгелиски регистарски ознаки, управувано од С.А.(26) од с.Стојаково, општина Богданци.
Во несреќата со тешки телесни повреди се здобил Б.Ј., кој на пат кон Комплекс клиники „Мајка Тереза“ им подлегнал на повредите, а лекар констатирал смрт.
Возачот од Стојаково С.А. се здобил со телесни повреди, констатирани во Општата болница Гевгелија.
Извршен бил увид од увидна екипа од ОВР Гевгелија.
P.S. На социјалните мрежи наши сограѓани се простуваат од Бојан Јовановиќ, 35 годишен жител од с.Селемлија, општина Богданци, сакан сопруг и татко.
Нека почива во мир!
