Младата спортистка Ана Бегова од Гевгелија денеска учествуваше на детската трка во спортската манифестација „Ја сакам Плачковица“ и го постигна високото второ место во конкуренција на деца oд 6 дo 10 години (машки и женски).
Ана е членка на Атлетскиот клуб „7 Ноември“ од Гевгелија и посветено тренира атлетика во Школата за атлетика на овој клуб со тренерите Тоше Анчев и Влатко Семенаков.
Радоста на Ана е двојна од постигнатото денеска – со истрчаното второ време меѓу сите деца, и ПРВО време меѓу девојчињата учеснички на трасата од 800 метри на 20 јубилејно издание на најдобриот Outdoor festival во Македонија, ,,Ја сакам Плачковица 2024“.
Ана (9 г.) се враќа дома од успешниот спортски настап во боите на АК „7 Ноември“ Гевгелија со сребрен пехар за освоено второ место.
Честитки Ана! Многу истрчани траси и медали во иднина!
На Ана не и се непознати победите и трофеите. Годинава таа беше ПРВА на детската трка на спортскиот настан „Трка на поезијата“ во Струга, во мај годинава.
Aна и Антонио од Гевгелија освоија – две ПРВИ места во Струга
