Tапани чукаат со македонска народна песна на сред центар, на фестивалското дефиле во градот Bédarieux, Франција.
Виновни за македонската песна се учесниците на фестивалот во Франција, нашите амбасадори на културата, на македонскиот и гевгелискиот фолклор, ансамблот „Бојмија“ од Гевгелија.
Ансамблот „Бојмија“ од 30 јули до 1 август учествуваат на 35-от традиционален фестивал „FOLKLORE du MONDE“ во градот Бедарие (Bédarieux), во Франција. Бедарие е град и општина во департманот Еро во регионот Окситанија во јужна Франција. Градот е опкружен со планината Еспиноуз и реката Орб и е во Регионалниот природен парк Хаут-Лангедок.
Се’ на се’ прекрасен туристички крај каде престојуваат и ја презентираан македонската култура играорците и инструменталистите од гевгелиска „Бојмија“.
Гевгелискиот ансамбл е единствен претставник од Македонија. Овде учествуваат и фолклорни ансамбли од Мексико, Шпанија, Франција и Провинцијата Лангедок (поранешна покраина на Франција), потоа Ерменија, Полска и Канада.
Светскиот фолклор се разлеа низ улиците на Бедарие.
Вака изгледаше првата проба за сценскиот настап пред публиката во францускиот град, домаќин на фестивалот.
Вечерва нашите играорци од Гевгелија ќе настапат на сцената во Бедарие (Bédarieux). Претставени се како дводецениски фолклорен состав од Македонија во кој членуваат 120 играорци и музичари кои работат со професионални фолклористи. Претпладне нашите од „Бојмија“ имаа прием кај градоначалникот на оваа Општина.
Ги очекуваме нашите амбасадори на културата со пофалници, пехари, благодарници, во знак на своето успешно учество на фестивалот и претставувањето на Македонија.
